Maryna Kasinierava pracuje z-za miažy, siłaviki siońnia pryjšli da jaje maci ŭ Babrujsku.
Siłaviki siońnia zranku pryjšli z vobšukam da Ludmiły Nasienka ŭ Babrujsku.
58-hadovaja Ludmiła pracuje ŭ kniharni. Siamja źviazvaje pieratrus ź dziejnaściu prapisanaj u kvatery dački Maryny Kasinieravaj. Maryna — aktyvistka levaha ruchu, z 2020 hoda pracuje ŭ zamiežžy. Jaje zaŭvažnaja dziejnaść — stvareńnie sajta Dissidentby.com, adnoj z samych vyčarpalnych krynic infarmacyi pra palityčnych źniavolenych u Biełarusi. Z 2021 hoda ŭnutry Biełarusi ŭłady jaho zabłakavali. Ën dastupny tolki praz VPN.
Akramia taho, Ludmiłu Nasienka vyklikali na dopyt u Kamitet dziaržaŭnaj biaśpieki.
Ordar na vobšuk byŭ pa art. 361-1 Kryminalnaha kodeksa Biełarusi — «Stvareńnie ekstremisckaha farmiravańnia abo ŭdzieł u im». Pry vobšuku zabrali telefon, płanšet, inšuju techniku. Bolš źviestak pakul niama.
U śpisach palitźniavolenych Dissidentby.com — 1670 čałaviek. Na sajcie raźmieščanyja rekvizity dla nadańnia pramoj dapamohi hetym ludziam, a taksama ich siemjam.
Udakładnieńnie. U pačatkovaj viersii artykuła proźvišča Ludmiły Nasienka było pamyłkova paznačana jak Kasinierava.
Kamientary