Марына Касінерава працуе з-за мяжы, сілавікі сёння прыйшлі да яе маці ў Бабруйску.

Сілавікі сёння зранку прыйшлі з вобшукам да Людмілы Насенка ў Бабруйску.
58-гадовая Людміла працуе ў кнігарні. Сям'я звязвае ператрус з дзейнасцю прапісанай у кватэры дачкі Марыны Касінеравай. Марына — актывістка левага руху, з 2020 года працуе ў замежжы. Яе заўважная дзейнасць — стварэнне сайта Dissidentby.com, адной з самых вычарпальных крыніц інфармацыі пра палітычных зняволеных у Беларусі. З 2021 года ўнутры Беларусі ўлады яго заблакавалі. Ëн даступны толькі праз VPN.
Акрамя таго, Людмілу Насенка выклікалі на допыт у Камітэт дзяржаўнай бяспекі.
Ордар на вобшук быў па арт. 361-1 Крымінальнага кодэкса Беларусі — «Стварэнне экстрэмісцкага фарміравання або ўдзел у ім». Пры вобшуку забралі тэлефон, планшэт, іншую тэхніку. Больш звестак пакуль няма.
У спісах палітзняволеных Dissidentby.com — 1670 чалавек. На сайце размешчаныя рэквізіты для надання прамой дапамогі гэтым людзям, а таксама іх сем'ям.
Удакладненне. У пачатковай версіі артыкула прозвішча Людмілы Насенка было памылкова пазначана як Касінерава.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары