Alaksandr Łukašenka prakamientavaŭ temu nakiravańnia ŭ Siryju biełaruskich vajskoŭcaŭ. Pra heta jon zajaviŭ siońnia na pasiadžeńni Rady biaśpieki.
«Učora čarhovy fejk, što nibyta rasijski ŭrad pryniaŭ pastanovu ledź nie pasłać našych vajskoŭcaŭ u Siryju. Dla mianie heta było navinoj. Vy razumiejecie, što pa ciapierašnich zakonach heta niemahčyma biez prezidenta. Ale ja nikoha tudy nie pasyłaŭ. Adzinaje, pra što išła havorka, daŭno-daŭno jana idzie, siryjski kiraŭnik, urad Siryi paprasili nas daktarami dapamahčy. Ja kažu: dobra, kali chtości zachoča pajechać z našych daktaroŭ, pierš za ŭsio vajskoŭcaŭ, jany pajeduć. Ale nie ciapier. Bo u nas svaich prablem vyšej za hałavu. Jašče hetaja pandemija tak zvanaja nie skončyłasia», — zajaviŭ jon.
«Hryp u Kačanavaj i Kucharava [majecca na ŭvazie — pradstaŭnik pa Minsku i sitaršynia Minharvykankama] śvišča ŭ Minsku źleva naprava. Tamu ŭ hetaj situacyi my navat daktarami nie možam dapamahčy siryjcam. Choć tam užo aktyŭnych bajavych dziejańniaŭ nie viadziecca, ale tym nie mienš».
«Nie, my tudy (havorka pra fejki, jakija źjavilisia) voś vajskoŭcaŭ pašlem vajavać… Nam tam niama čaho rabić. Jašče raz padkreślivaju: patrebnyja buduć daktary — dapamožam. Vyklučna na dobraachvotnych asnovach. Tolki paśla taho, kali ŭ nas spadzie napružańnie ŭ svaich balnicach.
Nie, pačynajuć raskručvać: «urad Rasii pryniaŭ pastanovu». Z uradam Rasii išła razmova, kali my budziem kahości tudy pasyłać, kab Rasija nas padtrymała. Kali jaki-niebudź špital, pažadana, kab my z rasijanami pracavali, u ich vialiki vopyt. Voś i ŭsio pytańnie», - reziumavaŭ Alaksandr Łukašenka.
Nahadajem, što ŭčora źjaviŭsia prajekt pahadnieńnia ab supracoŭnictvie Rasii i Biełarusi ŭ akazańni humanitarnaj dapamohi Siryi, zhodna ź jakim u hetuju krainu nakiroŭvajecca biełaruski vajskovy kantynhient da 200 čałaviek dla «vykanańnia mierapryjemstvaŭ vyklučna ŭ humanitarnych metach pa-za zonaj bajavych dziejańniaŭ».
Biełaruskich vajskoŭcaŭ pašluć u Siryju. Prajekt pahadnieńnia pieršaj ahučyła Maskva
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary