«Liču heta spłanavanaj pravakacyjaj»: pasoł Ukrainy pra situacyju vakoł «ukrainskaha drona»

Pasła siońnia vyklikali ŭ biełaruskaje MZS, kab uručyć notu pratestu ab «parušeńni miažy bieśpiłotnikam, zapuščanym z ukrainskaj terytoryi, jakoje nibyta mieła miesca».

«Nie paśpieŭ ja vyjści ź lifta ŭ MZS Biełarusi, jak na mianie nalacieła biełaruskaja karespandentka dziaržkanała BT 1 (Ksienija Lebiedzieva) i stała nastojliva pytacca, «ci nie špijanaž heta».

Toje, što jana źjaviłasia ŭ MZS i zahadzia viedała pytańni, pra jakija my havaryli ź biełaruskimi kalehami, samo pa sabie ŭžo niezvyčajna i nie robić honaru dypłamatyčnamu viedamstvu. Tamu liču heta zahadzia spłanavanaj pravakacyjaj.

Tym bolš, što ŭ hety čas u Minabarony hetak ža byŭ vyklikany pamočnik vajennaha ataše i jaho taksama čakaŭ karespandent z hetaha telekanała kanała i z tym ža pytańniem. I tut pytańnie — navošta? Ciapier da sutnaści pytańnia.

Jakija b «karty» siońnia ni pakazvali biełaruskija telekanały, vidavočna adno — u toj dzień (a prajšło ŭžo bolš za tydzień z «incydentu») u hetym rajonie Uzbrojenyja siły Ukrainy nie vykarystoŭvali bieśpiłotnikaŭ. Tym bolš, nakolki viadoma, havorka idzie pra bieśpiłotniki «Arłan», jakija jość tolki na ŭzbrajeńni Rasii i Biełarusi.

Akramia hetaha, jość śpiecyjalnyja miechanizmy dla ŭrehulavańnia takich incydentaŭ, praduhledžanyja dvuchbakovym pahadnieńniem ab dziejnaści pahraničnych upaŭnavažanych, u jakich dakładna prapisany paradak dziejańniaŭ u takich vypadkach, u pryvatnaści, adpaviednych kantaktaŭ na ŭzroŭni našych pahraničnych viedamstvaŭ. Navošta treba było ihnaravać hetaje pahadnieńnie, vyklikać pasła i vynosić usio heta na publiku?

I tut ja dumaju, ci nie źviazana heta z tym, što amal što ŭ hety čas adbyłasia sustreča novaha pasła RF u Biełarusi Barysa Hryzłova z Alaksandram Łukašenkam. Nu tak dla, fonu. Treba ž čymści apraŭdać «pahrozu z poŭdnia», a jašče i dapamohi paprasić niejkaj.

Tolki navošta hulać tak hruba, pa-sałdafonsku. Bo da pytańniaŭ biaśpieki na miažy heta nijakaha dačynieńnia nie maje. Voś prysutnaść rasijskich vojskaŭ na biełaruska-ŭkrainskaj miažy — heta sapraŭdy pahroza dla biaśpieki, pierš za ŭsio Ukrainy, jakaja ŭžo nie pieršy hod adbivaje rasijskuju vajskovuju ahresiju na Danbasie. Tak ja i skazaŭ kaleham u MZS Biełarusi. Nu a pra «fantazii» biełaruskich karespandentaŭ my siońnia pačujem u vypuskach navin telekanałaŭ. Jak ža biez «infarmacyjnaha prykryćcia», — napisaŭ Ihar Kizim u Fejsbuku.

Čytajcie taksama:

Pasoł Ukrainy byŭ vyklikany ŭ Ministerstva zamiežnych spraŭ Biełarusi

«Čarhovaja pravakacyja ŭładaŭ Biełarusi». MZS Ukrainy adkazała na pretenzii biełaruskaha boku

• 0
• 0
• 0
• 0
• 0
• 0
• 0
• 0