Čynoŭnik MZS: Rasija nie dapuskaje navat dumki pra vajnu z Ukrainaj
«Ale kali niešta idzie nie pa płanie, Zachad pačynaje nahniatać abstanoŭku», — zajaviŭ siońnia namieśnik dyrektara Dypłamatyčnaj akademii MZS Alaksiej Zajcaŭ.
«Rasija nie dapuskaje navat dumki pra vajnu z Ukrainaj», — zajaviŭ namieśnik dyrektara rasijskaj Dypłamatyčnaj akademii MZS Alaksiej Zajcaŭ, paviedamlaje RBK.
Jon zhadaŭ zajavy sakratara Rady nacyjanalnaj biaśpieki i abarony Ukrainy Alaksieja Daniłava ab tym, što Kijeŭ nie bačyć padstaŭ dla «ŭvarvańnia» Rasii va Ukrainu, pra jakoje kaža Zachad. Ź im zhodny i ministr abarony krainy Alaksiej Reźnikaŭ, ukazaŭ dypłamat.
«Sa svajho boku my ŭžo nieadnarazova zajaŭlali, što naša kraina ni na kaho napadać nie źbirajecca. Ličym nieprymalnaj navat dumku ab vajnie pamiž našymi narodami», — adznačyŭ jon.
Adnak, praciahnuŭ Zajcaŭ, «zaakijanskija kuratary Ukrainy» inšaha mierkavańnia na hety kont.
«Padobna na toje, što jany majuć namier ćviorda prytrymlivacca prydumanaha imi scenaryja, pa jakim Rasija pavinna napaści na Ukrainu, apałčyŭšy suprać siabie ŭvieś zachodni śviet, i imknucca zrabić usio mahčymaje, kab uvasobić jaho ŭ žyćcio», — ličyć dypłamat.
Kali ž «niešta idzie nie pa płanie», Zachad pačynaje nahniatać abstanoŭku. U prykład jon pryvioŭ zahad evakuiravać piersanał pasolstvaŭ z Kijeva, a taksama naroščvańnie vajennych pastavak.
Čytajcie taksama:
David i Halijaf: paraŭnoŭvajem siły rasijskaj i ŭkrainskaj armij
Pasolstva ZŠA zaklikała amierykancaŭ pakinuć Ukrainu
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma14
Kamientary