Niemcy nie buduć dapamahać ukraincam zbrojaj. Dapamohuć tolki lačyć paranienych
Ministarka abarony Hiermanii aficyjna abjaviła 22 studzienia, što jaje kraina dapamoža Ukrainie ŭ kanflikcie z Rasijaj, ale padkreśliła, što pra pastaŭki zbroi havorki nie idzie.
Krystyn Łambrecht u interviju hazecie Welt am Sonntag zajaviła, što va Ukrainu ŭ lutym prybudzie palavy špital. Adnačasova budzie zabiaśpiečana navučalna-trenirovačnaja baza dla ŭkrainskaha miedycynskaha piersanału, paviedamlaje Radyjo Svaboda.
Hiermanija ŭžo pastaviła Ukrainie reśpiratary, a taksama ŭ špitalach Niamieččyny znachodziacca na lačeńni ciažka paranienyja na ŭschodzie Ukrainy ŭkrainskija sałdaty.
Što da pastavak zbroi, to, na dumku sacyjał-demakratki Łambrecht, jany «nie dapamohuć pasłableńniu supraćstajańnia pamiž Rasijaj i Ukrainaj». I heta nie jaje asabistaja dumka — takaja pazicyja, pavodle ministarki abarony, karystajecca poŭnaj padtrymkaj usich členaŭ federalnaha ŭrada na čale z kancleram Ołafam Šolcam.
Inšyja krainy NATA, u tym liku i ZŠA, trymajucca adnosna pastavak uzbrajeńnia Ukrainie inšaj pazicyi, jany hatovyja heta rabić. Bierlin ža, jak paviedamlaŭ u piatnicu The Wall Street Journal, błakuje navat pastaŭki ŭzbrajeńnia z Estonii — na toj padstavie, što raniej hetaja zbroja naležała Hiermanii.
Niamieckaja palityka vyklikała vostruju krytyku z boku aficyjnaha Kijeva.
Čytajcie taksama:
Brytanija adpraviła Ukrainie 2000 adzinak supraćtankavaj zbroi
NYT: Kali Rasija akupuje Ukrainu, ZŠA padtrymajuć partyzanski ruch u joj
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary