Stali viadomyja padrabiaznaści spravazdačy ICAO ab pasadcy samalota Ryanair u Minsku

U spravazdačy, akramia techničnych padrabiaznaściaŭ, paviedamlajecca pra nieadpaviednaść rečaisnaści pakazańniaŭ biełaruskich uładaŭ ab časie atrymańnia ananimnaha lista. U im havaryłasia ab mahčymym miniravańni pavietranaha sudna, što pryviało da ekstranaj pasadki borta ŭ stalicy Biełarusi.

Elektronny list pra pahrozu vybuchu pastupiŭ u aeraport Minska ŭ 12:56:45 pa miascovym časie (kali samalot užo rychtavaŭsia da ekstranaj pasadki). Adnak Biełaruś pradstaviła ŭ ICAO skrynšot lista ź inšym časam atrymańnia — 12:25.

Daśledčaja hrupa ISAO asobna adznačaje, što Minsk adpraviŭ joj tolki skrynšot lista, tak što pravieryć jaho mietadanyja było niemahčyma.

Zaznačajecca, što ŭsiaho było šeść listoŭ z adnolkavymi pahrozami — u aeraporty Vilni, Minska, Safii, Bucharesta, Kijeva i Afin.

Ale ŭ apošnija dva ananimnyja listy tak i nie dajšli. U aeraporcie Vilni list znajšli tolki na nastupny dzień — u paniadziełak, bo ŭ vychadnyja poštu nie praviarali, zaznačaje vydańnie.

Ale biełaruski dyśpietčar paviedamiŭ ekipažu, što elektronny list byŭ adpraŭleny niekalkim aeraportam kala 12:30 pavodle minskaha času. Adkul jon daviedaŭsia pra heta, nieviadoma,

bo pieršy list pra pahrozu pastupiŭ u aeraport Vilni a 12:25 (u Safiju i Bucharest u 12:27 i 12:28 adpaviedna), adznačaje «Novaja hazieta».

Taksama ŭ spravazdačy havorycca ab niekalkich vypadkach nievykanańnia biełaruskimi ŭładami standartnych pracedur.

Praviły biaśpieki patrabujuć, kab i pasažyry, i ekipaž u vypadku pahrozy vybuchu pakinuli samalot. Adnak, zhodna ź piśmovymi i vusnymi zajavami ekipaža Ryanair, paśla pasadki naziemny piersanał minskaha aeraporta skazaŭ im, što adzin z členaŭ ekipaža pavinien zastavacca na borcie, pakul budzie pravodzicca vobšuk samalota.

Paviedamlajecca, što rabotniki aeraporta zajavili, što jość praviły pavietranaj havani, i ekipaž pavinien rabić toje, što skažuć jaje supracoŭniki. Pry hetym dyśpietčar aeraporta Minska zajaviŭ, što rašeńnie pakinuć adnaho člena ekipaža na borcie pavietranaha sudna było pryniataje ekipažam. Akramia taho, byŭ parušany i pratakoł ab paviedamleńni koda «čyrvony».

Taksama, adznačajuć u ICAO, što

KDB u vypadku z rejsam Ryanair nie ŭvioŭ režym antyterarystyčnaj apieracyi, niahledziačy na paviedamleńnie pra bombu na borcie.

Jak paviedamlałasia ŭčora, spravazdača ICAO ŭtrymlivaje tolki fakty — biez vysnoŭ i abvinavačvańniaŭ. Dakumient pastupiŭ na razhlad 193 dziaržaŭ-členaŭ arhanizacyi. Što rabić z hetaj infarmacyjaj, rada budzie vyrašać 31 studzienia.

New York Times: Avijadyśpietčar źbieh ź Biełarusi ŭ Polšču i raskazaŭ pra pasadku Ryanair

Na kanale ANT vyjšaŭ 15-chvilinny siužet «Tajamnicy rejsa Afiny — Vilnia». Ci raskryvajucca tam jakija tajamnicy?

Polskija śpiecsłužby: Samalot z Pratasievičam dapamahaŭ sadžać aficer KDB. A što kazali biełarusy?

• 0
• 0
• 0
• 0
• 0
• 0
• 0
• 0