Prajekt «Karta hvałtu» byŭ stvorany dla taho, kab dapamahać dziaŭčatam, jakija sutyknulisia z hvałtam. Na sajcie možna było padzialicca ŭłasnaj historyjaj, ananimna i biaspłatna atrymać kansultacyju ad jurysta abo psichołaha.
Vidać, sajt prosta adklučany ŭładami, bo niedastupny jon i z-za miažy. Što, mabyć, źviazana z učarašnimi represijami suprać arhanizacyj «Hienom» i «Radzisłava».
13 studzienia stała viadoma, što ranicaj u Minsku supracoŭniki HUBAZiKa praviali pieratrus u 30-hadovaj Darji Caryk, dyrektara «Hienomu» i člena praŭleńnia arhanizacyi «Radzisłava», jakaja davała prytułak žančynam, paciarpiełym ad chatniaha hvałtu.
Žančynu zatrymali, u toj ža dzień nad joj adbyŭsia sud. Darju pakarali 8 sutkami aryštu. Pa jakim artykule, dahetul nieviadoma.
Paźniej akazałasia, što pieratrusy prajšli i ŭ inšych členaŭ praŭleńnia «Radzisłavy», a taksama ich svajakoŭ.
Kamientary