Stała viadoma, kolki zarablaje prezident Ukrainy. Paraŭnajcie z zarobkam Łukašenki
Va Ukrainie apublikavali danyja pa aficyjnych dachodach prezidenta i ludziej na vysokich dziaržaŭnych pasadach za 2021 hod. Zarobak Zialenskaha, prezidenta Ukrainy, akazaŭsia nižejšym za deputackija zarobki i zarpłaty biełaruskich ajcišnikaŭ.
U 2021 hodzie kiraŭnik susiedniaj dziaržavy atrymlivaŭ naminalny zarobak u pamiery 28 tysiač hryŭniaŭ u miesiac, dapłat i premij nie było. Heta 1020 dalaraŭ, kali brać pa siońniašnim kursie.
Za hod Uładzimir Zialenski zarabiŭ 365 000 hryŭniaŭ (13300 dalaraŭ). Z hetaj sumy spahnana 65 tysiač hryŭniaŭ padatkaŭ i zboraŭ (2370 dalaraŭ). To-bok «čystymi» vychodziła pa siońniašnim kursie 910 dołaraŭ.
Apošni dachod Łukašenki staŭ viadomy napiaredadni vybaraŭ 2020 hoda. Pa vynikach 2019 hoda jon skłaŭ 117 068 rubloŭ, to-bok pa 9756 rubloŭ zarobku ŭ miesiac.
Pa kursu za 2019 hod heta skłała 4700 dalaraŭ.
Va ŭłasnaści ŭ Łukašenki aficyjna ničoha nie było.
Kolki atrymoŭvaje jon siońnia, nieviadoma.
Va Ukrainie abvaliŭsia rejtynh prezidenta. Heta aznačaje kaniec ery Zialenskaha?
Łukašenka pra Ukrainu: Vałodzia Zialenski vypadkovy čałaviek, ukrainskija vajskoŭcy sami paprasili Rasiju vyratavać Krym, va ŭkrainskaj armii fašyzm
Ciapier čytajuć
Tramp zhadaŭ 1300 biełaruskich palitviaźniaŭ. Adkul takaja ličba i kolki ich nasamreč?3
Kamientary