U Minsku ŭsio ž zakryvajuć dva licei. Baćki aburanyja, a čynoŭniki razvodziać rukami: «Vy sami viedajecie hetuju viertykal»
Na pačatku śniežnia «Naša Niva» pisała pra toje, što baćki i nastaŭniki niekalkich staličnych licejaŭ bjuć tryvohu: niadaŭna im nieaficyjna abviaścili, što novych naboraŭ u licei bolš nie budzie, bo chutka ich zakryjuć. Infarmacyja paćvierdziłasia: Licej № 1 i Licej № 2 u Minsku sapraŭdy zakryvajuć.
Nijakich aficyjnych papier na hety kont nie było, zrešty, jak i aficyjnych kamientaryjeŭ z hetaj nahody ad Ministerstva adukacyi.
Čytajcie taksama:
«Źniščajuć najlepšaje, što zastałosia ŭ adukacyi». Repietytar Jaŭhien Liviant raskazaŭ, što ŭ Minsku zakryvajuć licei
13 śniežnia stała viadoma, što Ihar Karpienka bolš nie ministr adukacyi. Ale padobna na toje, što jaho namier začynić niekalki staličnych licejaŭ čynoŭniki ŭsio ž vyrašyli realizavać.
Z «NN» źviazalisia baćki liceistaŭ i raskazali apošnija naviny pa hetaj temie.
«U paniadziełak (13 śniežnia, — «NN») u našym Licei №2 prajšła sustreča baćkoŭ liceistaŭ z pradstaŭnikami Kamiteta pa adukacyi Minharvykankama i Administracyi Leninskaha rajona», — kaža maci adnaho ź liceistaŭ, jakaja prysutničała na toj sustrečy.
Jak paviedamiła žančyna, ad Kamiteta pa adukacyi Minharvykankama na sustrečy była namieśnica staršyni Kamiteta Iryna Čarniaŭskaja, ad Administracyi Leninskaha rajona — načalnik Upraŭleńnia pa adukacyi Natalla Kučynskaja.
«Kankretyki ŭ ich słovach amal nie było, — kaža žančyna. — Asnoŭnaja dumka, jakuju jany nam danieśli: płan mierapryjemstvaŭ pa zakryćci liceja raspracavany, rašeńnie pryniataje, ale aficyjna nie zaćvierdžanaje. Skazali, što 10 kłas davučycca, a novy nabirać nie buduć. U budynku himnazii budzie piedkaledž».
Pa słovach žančyny, niejkich arhumientaŭ ci pryčyn ab nieabchodnaści zakryćcia liceja čynoŭniki nie pryviali. I nijak nie prakamientavali minułyja publikacyi pra zakryćcio liceja, choć raniej minadukacyi nazyvała ich fejkami.
«Paviercie, my byli nastojlivyja i patrabavali pa punktach pieraličyć pryčyny pryniaćcia takoha rašeńnia. Ale adkazu nie było», — adznačaje naša surazmoŭca i dadaje, što Licej №2 pa vynikach minułaha hoda staŭ najlepšym u rajonie.
«Kali my spytali, navošta začyniać najlepšuju navučalnuju ŭstanovu, pačuli adkaz: «Rašeńnie ŭžo padrychtavanaje», — havoryć mama liceista. — My zadavali pytańnie, chto pryniaŭ rašeńnie ab zakryćci? Vyraznaha adkazu nie atrymali, ale było skazana: «Vy sami viedajecie hetuju viertykal»».
Što budzie z navučencami płatnych kursaŭ padrychtoŭki da pastupleńnia, taksama nieviadoma. Kudy im potym pastupać — pytańnie adkrytaje.
«Dyrektarka raskazała, što ŭsim na kursach było abvieščana, što naboru nie budzie. Ale sprava ŭ tym, što dzieci na kursy chodziać… — kaža žančyna. — Karaciej, tut naohuł ničoha niezrazumieła. Samym hałoŭnym svaim mesedžam čynoŭniki nazvali nastupnaje: «Vašy dzieci davučacca, nastaŭniki nie raźbiahucca». Viedajecie, pa ich adkazach było zrazumieła, što jany sapraŭdy ničoha nie vyrašajuć.
Na toj ža sustrečy, darečy, čynoŭniki sprabavali pierakanać nas u tym, što ŭ sapraŭdnaści kolkaść vypusknikoŭ, jakija pastupajuć u VNU, nie źjaŭlajecca pakazčykam paśpiachovaj pracy liceja».
Pa słovach našaj surazmoŭcy, na tym ža schodzie jany pierakanalisia, što zakryvajuć nie tolki Licej №2, ale i Licej №1.
«My majem namier nie zdavacca i iści da kanca, — zaznačyła maci liceista. — Budziem adstojvać naš licej i intaresy dziaciej i piedahohaŭ. A jak inakš? Niekatoryja baćki navat kvatery mianiajuć, kab być bližej da liceja, a tut takoje… My ŭžo adnieśli list z patrabavańniem razabracca ŭ hetaj situacyi Natalli Kačanavaj, a ŭ čaćvier z pytańniem zakryćcia licejaŭ idziom na pryjom u Administracyju prezidenta. Plus da ŭsiaho, užo napisali bolš za 400 elektronnych zvarotaŭ, sabrali kala 200 podpisaŭ».
«Naša Niva» budzie sačyć za raźvićciom padziej.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary