na śpiecyjalnaść «dyzajn» humanitarnaha fakulteta.
Pa vynikach pryjomu dakumientaŭ samy vysoki konkurs u Biełaruskim dziaržaŭnym univiersitecie — 17 čałaviek na miesca — adznačany na śpiecyjalnaść «dyzajn» (kirunak «kamunikatyŭny dyzajn») humanitarnaha fakulteta.
Ab hetym paviedamlaje pres‑słužba BDU. Dla paraŭnańnia: u 2008 hodzie konkurs na hetu śpiecyjalnaść byŭ 16,6 čałavieka na miesca.
Stabilna vysokim zastajecca konkurs na śpiecyjalnaści fakulteta mižnarodnych adnosin.
Tak, na «mižnarodnyja adnosiny» konkurs skłaŭ 6,3 čałavieka na miesca; na «mižnarodnaje prava» — 5,4.
Siarod fakultetaŭ pryrodaznaŭčanavukovaha profilu samy vysoki konkurs — 2,1 čałavieka na miesca — adznačany na bijałahičnym fakultecie.
Prachadny bał u 2009 hodzie ŭ BDU dastatkova vysoki, adznačaje pres‑słužba. Naprykład, na śpiecyjalnaści «kampjuternaja biaśpieka» na fakultecie prykładnoj matematyki i infarmatyki jon skłaŭ 358 (u minułym hodzie — 352), na śpiecyjalnaści «suśvietnaja ekanomika» na fakultecie mižnarodnych adnosin — 357 (u minułym hodzie 344).
***
Siaredni bał atestata abituryjenta BDU dzionnaj biudžetnaj formy navučańnia ŭ 2009 hodzie skłaŭ 8,7 (u minułym hodzie — 8,5). U paŭtara razu ŭ paraŭnańni z 2008 hodam pavialičyłasia kolkaść miedalistaŭ, jakija pastupali ŭ BDU. U liku abituryjentaŭ hetaha hoda taksama siem pieramožcaŭ mižnarodnych alimpijad, 159 — respublikanskich. Šeść abituryjentaŭ źjaŭlajucca łaŭreatami śpiecyjalnych fondaŭ prezidenta Biełarusi.
Pieršymi studentami BDU stanuć bolš za tysiaču abituryjentaŭ pryrodaznaŭčanavukovych fakultetaŭ i fakulteta mižnarodnych adnosin, jakich zaličać 27 lipienia na pasiadžeńni pryjomnaj kamisii.
Z 27 pa 30 lipienia ŭ BDU projduć ustupnyja ispyty na śpiecyjalnaści «ruskaja, biełaruskaja, słavianskaja fiłałohija»; «teałohija», a taksama tvorčyja konkursy na śpiecyjalnaści fakulteta žurnalistyki i śpiecyjalnaść «dyzajn».
1 žniŭnia adbudziecca ŭručeńnie pieršych studenckich biletaŭ, uładalnikami jakich stanuć pieramožcy mižnarodnych alimpijad i łaŭreaty śpiecyjalnych prezidenckich fondaŭ.
Usiaho na dzionnuju biudžetnuju formu navučańnia ŭ hetym hodzie ŭ BDU płanujecca pryniać 1 tys. 995 čałaviek, na zavočnuju biudžetnuju formu navučańnia — 425.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary