Namieśnikami staršyni partyi na ŭstanoŭčym źjeździe abrany Mikałaj Pachabaŭ i Andrej Jeŭdakimovič.
Alaksandr Buchvostaŭ abrany staršynioj Biełaruskaj partyi pracoŭnych. Takoje rašeńnie było pryniata 26 lipienia na ŭstanoŭčym źjeździe BPP. Namieśnikami staršyni partyi abrany Mikałaj Pachabaŭ i Andrej Jeŭdakimovič.Na źjeździe taksama byli pryniaty prahrama i statut BPP.
U svajoj pramovie paśla abrańnia na pasadu kiraŭnika partyi Alaksandr Buchvostaŭ vykazaŭ nadzieju na paśpiachovaje zaviaršeńnie pracesu stvareńnia BPP, jaki pačaŭsia jašče ŭ 2004 hodzie. Ciapier členami Biełaruskaj partyi pracoŭnych źjaŭlajucca 1.025 čałaviek.
U pryniataj na źjeździe zajavie delehaty adznačyli, što «niehatyŭny ŭpłyŭ suśvietnaha ekanamičnaha kryzisu ŭzmacniŭ niaŭmiełyja i niapravilnyja dziejańni ŭład». «Ciažar kryzisu adčuvajuć u pieršuju čarhu tyja, chto nie maje ŭ zapasie ničoha, akramia śpiecyjalnaści i pracoŭnych ruk. Ciapierašni režym sprabuje łatać brešy ŭ ekanomicy pieradusim za košt pracoŭnych. Ich pieravodziać na skaročany tydzień, im pamianšajuć zarpłatu, premijalnyja. My nie čuli ad ułady, što jana pamianšaje hrašovyja vypłaty ministram i inšym vysokapastaŭlenym čynoŭnikam, dyrektaram», — havorycca ŭ zajavie.
Jaje aŭtary kanstatujuć, što pracoŭnyja pazbaŭleny pravy svabodna abjadnoŭvacca ŭ prafiesijnyja arhanizacyi pa abaronie pracoŭnych i sacyjalnych intaresaŭ, udzielničać u palityčnych mierapryjemstvach i kiravańni dziaržavaj, svabodna realizoŭvać prava na pracu i vybar pracoŭnaha miesca niezaležna ad svaich pohladaŭ.
Bazavym elemientam padaŭleńnia pravoŭ pracoŭnych zasnavalniki BPP ličać sistemu najmu pa karotkaterminovych kantraktach. «U Biełarusi bolš jak 80 % pracoŭnych vymušany pracavać pa karotkaterminovych pracoŭnych dahavorach. Heta źjaŭlajecca nacyjanalnaj hańbaj, tamu što takoha niama ni ŭ adnoj krainie śvietu», — havorycca ŭ zajavie.
U dakumiencie taksama adznačajecca, što «BPP budzie damahacca ad ułady ŭstaranieńnia ŭščamleńnia pravoŭ pracoŭnych. Naša meta — rost zarabotnaj płaty i dabrabytu pracoŭnych. Dla čaho niepaźbiežny źmieny ŭ charaktary palityčnaj ułady, adnaŭleńnie demakratyčnych pryncypaŭ kiravańnia dziaržavaj».
Biełaruskaja partyja pracoŭnych stvarajecca na asnovie likvidavanaj u 2004 hodzie Biełaruskaj partyi pracy.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach27
Kamientary