U Biełarusi stvorać Nacyjanalny centr abarony piersanalnych źviestak
U Biełarusi źjavicca Nacyjanalny centr abarony piersanalnych źviestak. Jaho stvareńnie praduhledžana ŭkazam № 422 «Ab mierach pa ŭdaskanaleńni abarony piersanalnych źviestak», jak paviedamlaje pres-słužba Alaksandra Łukašenki.
U adpaviednaści z ukazam, Nacyjanalny centr nadzialajecca statusam upaŭnavažanaha orhana pa abaronie pravoŭ subjektaŭ piersanalnych źviestak. Vyznačany jaho asnoŭnyja pravy, zadačy, funkcyi i paŭnamoctvy.
U pryvatnaści, centr nadzieleny pravam pravodzić pravierki vykanańnia zakanadaŭstva ab piersanalnych źviestkach, vynosić piśmovyja patrabavańni (pradpisańni) ab likvidacyi vyjaŭlenych parušeńniaŭ, patrabavać spynieńnia apracoŭki piersanalnych źviestak, kali inšymi sposabami niemahčyma zabiaśpiečyć abaronu pravoŭ subjektaŭ piersanalnych źviestak.
Akramia taho, ukazam vyznačany dadatkovyja miery, źviazanyja z zabieśpiačeńniem abarony piersanalnych źviestak. Heta, naprykład, nieabchodnaść prachodžańnia śpiecyjalnaha navučańnia asobami, u abaviazki jakich uvachodzić abarona piersanalnych źviestak; abaviazak viadzieńnia ŭliku piersanalnych źviestak, jakija padlahajuć apracoŭcy dziaržaŭnymi orhanami i inšymi arhanizacyjami.
Miarkujecca, što vykanańnie ŭkaza daść mahčymaść pavysić uzrovień abarony piersanalnych źviestak u dziaržavie i zabiaśpiečyć bolš poŭnuju realizacyju kanstytucyjnaha prava hramadzian na abaronu ad niezakonnaha ŭmiašańnia ŭ asabistaje žyćcio.
Vidać, novaja struktura — adkaz uładaŭ na šyrokamaštabnuju pracu abjadnańnia chakieraŭ, jakija paviedamlali ab paśpiachovym uzłomie pašpartnaj sistemy ŭsioj krainy, baz DAI i MUS.
Ciapier čytajuć
Bližejšym časam buduć vyzvaleny bolš za 150 palitźniavolenych30
Kamientary