Łaŭroŭ zajaviŭ, što abmiarkoŭvaŭ z Makiejem pracu rasijskich ŚMI ŭ Biełarusi
Pra heta ministr zamiežnych spraŭ Rasii zajaviŭ padčas vizitu ŭ Minsk, dzie jon biare ŭdzieł u pracy Savieta ministraŭ zamiežnych spraŭ SND
«Pytańnie hety abmiarkoŭvałasia. Ja razmaŭlaŭ čarhovy raz z maim kaleham, ministram zamiežnych spraŭ Biełarusi Uładzimiram Makiejem. U nas jość ahulnaje razumieńnie nieabchodnaści zrabić usio, kab rasijskija ŚMI ŭ Biełarusi i biełaruskija ŚMI ŭ Rasii pracavali ŭ maksimalna kamfortnych umovach. U nas jość niekatoryja idei, jakija my budziem realizoŭvać u najbližejšy čas», — cytuje Siarhieja Łaŭrova TASS.
Nahadajem pra situacyju z «Kamsamolskaj praŭdaj» u Biełarusi», sajt jakoj byŭ zabłakavany ranicaj 29 vieraśnia, a 1 kastryčnika zatrymany žurnalist Hienadź Mažejka. Povadam staŭ artykuł žurnalista, apublikavany viečaram 28 vieraśnia, dzie davałasia słova adnakłaśnicy prahramista Andreja Zielcera, jaki padčas pierastrełki na vulicy Jakuboŭskaha zabiŭ supracoŭnika KDB Dźmitryja Fiedasiuka.
Mažejku vystavili abvinavačvańnie pa dvuch artykułach Kryminalnaha kodeksa Biełarusi: art. 130 KK RB (Raspalvańnie sacyjalnaj varožaści abo varažniečy) i art. 369 KK RB (Abraza pradstaŭnika ŭłady).
5 kastryčnika było pryniata rašeńnie pra zakryćcio biełaruskaj redakcyi «Kamsamołki».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary