«Pieravaha addajecca palašučkam i žančynam z doŭhimi vałasami». Biełaruski paet šukaje žonku praz fejsbuk
Paet-bard Valery Paźniakievič napisaŭ u fejsbuku, što šukaje žonku. I pieraličyŭ kryteryi, jakim budučaja spadarožnica musić adpaviadać, čym razhnievaŭ žančyn.
«Uzrost — da 45 hadoŭ.
Kryteryi: viedańnie biełaruskaj movy, žadańnie śpiavać na scenie i kachać paeta.
Razhladaju kandydatury žančyn, jakija vałodajuć biełaruskaj movaj, žadajuć mieć dziaciej i vierać u budučyniu Biełarusi.
Charaktar — Žyvie Biełaruś! Adkaz — to ŭzajemna.
Žyllom zabiaśpiečany. Pieravaha addajecca palašučkam i žančynam z doŭhimi vałasami.
Rudy koler vałasoŭ — nie moj. Radzimyja plamy na tvary — pralot», — napisaŭ 53-hadovy paet.
U kamientarach jamu pazyčyli pośpiechaŭ u pošukach. A žančyny aburylisia: ci nie zavysokija patrabavańni vystaŭlajucca i što za dyskryminacyja pa kolery vałasoŭ?
«Ja ž nie chapajusia za kožnuju cybulinu», — adkazaŭ paet na pretenzii.
Praŭda, praz paŭdnia post vydaliŭ.
«Ja prosta vyrašyŭ zaniacca vyvučeńniem žanočaj psichałohii. Dziela hetaha i raźmiaściŭ post. Kamientary byli bolš čym žachlivyja. Niekatoryja adkryta pisali ab tym, što kali pierapiša kvateru, to tady jość nad čym padumać. Jak ni dziŭna, ale ŭ bolšaści žančyn na pieršym miescy staić materyjalnaje pytańnie. Dziela jaho dasiahnieńnia jany hatovyja pazbavicca i svajho honaru, i svajoj niezaležnaści.
Analiz mnie patrebien dla novaha psichałahičnaha ramanu «Kachańnie ŭ kvadracie». Post mnie vielmi dapamoh. A što tyčycca pošuku žančyny, spadziajusia, što čas hetamu paspryjaje», — patłumačyŭ paźniej paet «Našaj Nivie».
«Nichto z mužčyn nie razumieje dvuchsensoŭnaści». Jak vyjści zamuž za ajcišnika i nie raźvieścisia
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary