Sa słoŭ pres-sakratara prezidenta Ukrainy, sustreča zaležyć ad taho, ci hatovaja Rasija havaryć na temu Kryma ci nie. Pry hetym Uładzimir Zialenski hatovy sustrecca z Pucinym u luby čas i na luboj niejtralnaj terytoryi.
Sustreča pamiž prezidentami Rasii i Ukrainy Uładzimiram Pucinym i Uładzimiram Zialenskim zaležyć ad hatoŭnaści Rasii havaryć na temu Kryma, zajaviŭ pres-sakratar ukrainskaha prezidenta Siarhiej Nikifaraŭ u efiry telekanała «Dom», paviedamlaje RBK.
Jon nahadaŭ pazicyju Rasii, jakaja nie hatovaja padymać pytańnie ab Krymie. «Ale navošta tady sustrakacca?» — pacikaviŭsia Nikifaraŭ.
Pres-sakratar adznačyŭ, što «jość vola» Zialenskaha asabista sustrecca z Pucinym u luby čas i na luboj niejtralnaj terytoryi.
«Treba, kab na hetaj sustrečy stajała pytańnie ab akupacyi Rasijaj častki terytoryi Ukrainy. Tamu razmova i kantakty na niejkim uzroŭni sapraŭdy padtrymlivajucca nakont hetaj sustrečy, ale treba abaviazkova damahčysia taho, kab hetaje samaje hałoŭnaje pytańnie było vyniesienaje na paradak dnia, čaho Rasija, viadoma, nie choča», — skazaŭ jon.
Mahčymaść sustrečy lidaraŭ z Maskvy i Kijeva abmiarkoŭvajecca ź viasny hetaha hoda.
Kamientary