Kiraŭnika Fiederacyi chakieja Dźmitryja Baskava dyskvalifikavali na piać hadoŭ
Mižnarodnaja fiederacyja chakieja na 5 hadoŭ dyskvalifikavała kiraŭnika fiederacyi chakieja Biełarusi Dźmitryja Baskava.
Baskaŭ adchileny ad usich nacyjanalnych i mižnarodnych chakiejnych mierapryjemstvaŭ na piać hadoŭ, pačynajučy z 10 vieraśnia 2021 hoda i zakančvajučy 9 vieraśnia 2026 hoda.
U paviedamleńni IIHF adznačajecca, što dyskvalifikacyja stała vynikam 10-miesiačnaha rasśledavańnia, padčas jakoha vyśvietliłasia, što Dźmitryj Baskaŭ parušyŭ kodeks pavodzinaŭ IIHF — dyskryminavaŭ spartoŭcaŭ i pahražaŭ im za ich palityčnuju pazicyju.
Taksama IIHF pryjšła da vysnovy, što Baskaŭ źviazany z padziejami, jakija pryviali da śmierci Ramana Bandarenki.
U Fiederacyi chakieja Biełarusi nastupnym čynam prakamientavali rašeńnie IIHF:
«U najbližejšy čas budzie pryniata rašeńnie ab metazhodnaści abskardžańnia pastanovy IICHF u dačynieńni da staršyni FCHB Dźmitryja Baskava ŭ Spartyŭnym arbitražnym sudzie (CAS) Łazanie. Jaho abrańnie na pasadu staršyni Nacyjanalnaj fiederacyi chakiejnaj hramadskaściu Biełarusi było lehitymnym i adpaviednym statutnym normam FCHB, a členy vybarčaj kanfierencyi vykazali adnahałosny i biezumoŭny davier Baskavu ŭ jakaści kiraŭnika FCHB.
Na ciapierašni momant funkcyjanier praciahnie pracu pa raźvićci chakieja ŭ Respublicy Biełaruś na zajmanaj im pasadzie staršyni fiederacyi chakieja Biełarusi».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary