Centralny bank Afhanistana zapatrabavaŭ, kab usie banki krainy časova ŭstalavali limit na źniaćcie hrošaj z asabistych rachunkaŭ klijentaŭ — nie bolš za 200 dalaraŭ u tydzień, havorycca ŭ dyrektyvie CB, jakuju cytuje vydańnie The Khaama Press.
U dyrektyvie skazana, što takoje rašeńnie pryniali na fonie ciažkaściaŭ, jakija ŭźnikli ŭ Afhanistanie. CB zahadaŭ usim pryvatnym bankam krainy adnavić pracu i adznačyŭ, što klijenty mohuć ažyćciaŭlać elektronnyja pieravody srodkaŭ.
Dyrektyva vyjšła praź niekalki hadzin paśla taho, jak sotni ludziej vyjšli na vulicy Kabuła, pratestujučy suprać zakryćcia bankaŭ i punktaŭ abmienu valuty. Udzielniki demanstracyi prasili, kab im vydali choć by častku hrošaj.
Banki Kabuła pierastali pracavać 15 žniŭnia paśla taho, jak horad zaniali bajeviki ruchu «Taliban». Udzielniki ruchu raniej abviaścili, što ŭsie banki adnoviać pracu 25 žniŭnia, ale mnohija tak i zastalisia zakrytyja.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje4
Kamientary