Uzmacniajecca pahroza finansavaj stabilnaści. Što značyć vylet dziaržbankaŭ ź mižnarodnaha rejtynhu Fitch
Mižnarodnaja finansavaja ahiencyja Fitch Ratings adklikała rejtynhi Biełarusbanka i Bielinviestbanka. Pryčyna — sankcyi. Udzieł u mižnarodnaj rejtynhavaj sistemie vyznačaje mnohija rečy, naprykład, pracenty zajmaŭ u zamiežnikaŭ, imaviernaść inviestycyj, vieličyniu strachoŭki ŭhodaŭ.
Što značyć vybyvańnie z rejtynhu, «Našaj Nivie» patłumačyŭ ekanamist Dźmitryj Kruk:
«Adklikańnie rejtynhu padsankcyjnych bankaŭ z boku Fitch ja b interpretavaŭ jak vykazvańnia ź ich boku «ŭ biahučych varunkach standartny padychod acenki kredytazdolnaści ŭ dačynieńni da hetych bankaŭ pierastaje pracavać, dalej moža być što zaŭhodna».
Samo pa sabie adklikańnie rejtynhu, chutčej, nie maje «aŭtamatyčnych» nastupstvaŭ, u vyhladzie daterminovaha pahašeńnia zamiežnych pazykaŭ (choć, dapuskaju, padobnaje abaviazalnictva moža prysutničać u asobnych uhodach), adklikańnia srodkaŭ zamiežnych bankaŭ i hetak dalej.
Tamu pakul ja b nie staŭ kazać ab chutkim efiekcie ŭ dačynieńni da ŭsioj finansavaj stabilnaści. Ale heta vielmi istotny faktar, jaki ŭmacoŭvaje niehatyŭnyja pabočnyja i infarmacyjnyja efiekty ad sankcyj.
Miarkuju, heta adabjecca na hatoŭnaści ŭkładčykaŭ trymać svaje depazity ŭ hetych bankach, paciahnie dalejšaje vymušanaje skaračeńnie pasivaŭ, paharšeńnie stanu likvidnaści, i ŭrešcie budzie adbivacca na finansavym stanoviščy hetych bankaŭ.
Taksama heta istotna skažacca na žadańni zamiežnych kontrahientaŭ mieć spravu z hetymi bankami, što taksama budzie pastupova vieści i da finansavych paharšeńniaŭ.
Kažuć, kropla točyć kamień, tak i sankcyi, i źviazanyja ź imi kroki pa rejtynhu, «točać» finansavaje stanovišča jak padsankcyjnych bankaŭ, tak i (u vyniku ich sistemnaj značnaści dla ajčynnaha finansavaha rynku) pierśpiektyvy finansavaj stabilnaści ŭ krainie naohuł».
Šerah dziaržaŭnych bankaŭ u suviazi z sankcyjami ŭžo nie moža pryciahvać źniešniaje finansavańnie.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary