Čym niebiaśpiečny aksid etylenu, jaki znachodziać u charčovych praduktach?
Heta rečyva škodzić zdaroŭju i zabaroniena ŭ ES.
Upieršyniu najaŭnaść aksidu etylenu ŭ praduktach charčavańnia vyjavili ŭ vieraśni minułaha hoda ŭ Bielhii. Vyjaviłasia, što kunžut, jaki pastaŭlaŭsia ŭ krainy ES ź Indyi, byŭ zabrudžany hetym rečyvam.
Paźniej aksid etylenu znajšli ŭ muce z nasieńnia ražkovaha dreva, jakaja traplała ŭ jeŭrapiejskija krainy z Turcyi. Kamiedź ražkovaha dreva šyroka vykarystoŭvajecca dla vytvorčaści roznych charčovych praduktaŭ, u tym liku dla maroziva ŭ jakaści stabilizatara, a taksama dla charčovych dadatkaŭ. To-bok zabrudžvańnie hetaj muki faktyčna aznačała, što škodnaje dla zdaroŭja rečyva mahło być u samych roznych praduktach.
U suviazi z hetym Jeŭrapiejskaja kamisija raspracavała adziny padychod dla orhanaŭ aficyjnaha kantrolu nad zabrudžanymi charčovymi praduktami.
Aksid etylenu škodny dla zdaroŭja i, zhodna z rehłamientam ES, kłasifikujecca jak rečyva 1V, što śviedčyć pra jaho kancerahiennaść i škodnaje repraduktyŭnaje ŭździejańnie. Doŭhi kantakt z aksidam etylenu ŭ vialikaj kolkaści moža vyklikać hałaŭny bol, młosnaść, rvotu, ciažkaści z dychańniem i apioki skury. U doŭhaterminovaj pierśpiektyvie rečyva moža vyklikać rak i hienietyčnyja anamalii. Tamu vykarystańnie vokisu etylenu i jaho vyvad na rynak ES zabaraniajecca.
Sioleta ŭ červieni Francyja adazvała 7 tysiač praduktaŭ z supiermarkietaŭ roznaj cany i marak praz pavyšany ŭzrovień vokisu etylenu, piša Le Figaro. Siarod hetych praduktaŭ byli chleb, piečyva, maroziva, sousy, syr, kava, harbata i inšyja.
Niadaŭna vokis etylenu znajšli ŭ polskich supiermarkietach. Rečyva vyjavili ŭ marozivie i miasnych praduktach, piša gazeta.pl.
Najaŭnaść aksidu etylenu ŭ praduktach tłumačycca tym, što rečyva šyroka vykarystoŭvajecca dla dezynfiekcyi. Taksama vokis etylenu vykarystoŭvajecca dla baraćby ź ćvillu. U asnoŭnym aksid etylenu prymianiajecca ŭ chimičnaj pramysłovaści, a ŭ niekatorych krainach heta rečyva vykarystoŭvajuć dla fumihacyi charčovych praduktaŭ.
Adnak ekśpierty pierakonvajuć, što ŭ małoj kolkaści rečyva nijak nie naškodzić, a pryniatyja ŭ ES miery majuć previentyŭny charaktar, kab praduchilić patencyjnyja ryzyki.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary