Paśla trahiedyi na Niamizie Barsukoŭ na paru miesiacaŭ syšoŭ ź milicyi. A paśla viarnuŭsia i ŭźlacieŭ da namieśnika ministra
Źjavilisia cikavyja źviestki ź bijahrafii Alaksandra Barsukova. Svaju milicejskuju karjeru jon pačaŭ u dalokim 1994-m.
Ale ŭ 1999-m niečakana pakinuŭ słužbu pa ŭłasnym žadańni. Heta adbyłosia paśla trahiedyi na Niamizie, dzie zahinuła 53 čałavieki. Mienavita Barsukoŭ dakładvaŭ Łukašenku, što ž adbyłosia ŭ toj trahičny dzień i jak dziejničała milicyja.
Źviestki vykłali «kibierpartyzany». U žniŭni 1999-ha, kali jašče praciahvałasia rasśledavańnie pa spravie na Niamizie, Barsukoŭ pa ŭłasnym žadańni syšoŭ sa słužby, jon byŭ namieśnikam kiraŭnika Centralnaha RUUS.
U krasaviku 2000-ha jon viarnuŭsia ŭ milicyju, na tuju samuju pasadu i ŭ toje samaje rajonnaje ŭpraŭleńnie. U 2011 hodzie Barsukoŭ vyras da kiraŭnika minskaj milicyi, a ŭ 2017-m staŭ namieśnikam ministra.
Ciapier jon pamočnik Łukašenki pa Minsku, kazaŭ, što milicyja nie katavała ŭdzielnikaŭ pratestaŭ.
Siłaviki pakul nie kamientujuć situacyju z uzłomam bazaŭ.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary