Sud nad abaroncam «Płoščy Pieramien» Ściapanam Łatypavym siońnia nie adbyŭsia
Siońnia ŭ sudzie Savieckaha rajona Minska musiŭ adbycca praciah suda nad palitźniavolenym Ściapanam Łatypavym, ale praces nie adbyŭsia. Na pačatku pasiedžańnia stała drenna advakatcy Ściapana, joj vyklikali chutkuju.
Miedyki akazvali joj miedycynskuju dapamohu ŭ zali suda kala paŭhadziny. Paśla hetaha ŭ sudzie abviaścili pierapynak da zaŭtra, 5 žniŭnia, da 10:00, paviedamlajuć pravaabaroncy
Učora na sudzie nad Ściapanam skončyli vyvučać piśmovyja materyjały spravy (13 tamoŭ), dapytali praź videakanfierencsuviaź śviedak pa č. 4 art. 209 nakont kampanii «Biełarba», u jakoj Łatypaŭ źjaŭlajecca dyrektaram.
Usie dapytanyja śviedki nie mieli pretenzij da jakaści i terminaŭ pracy arhanizacyi i jaje supracoŭnikaŭ.
Na pracesie prahladzieli videa zatrymańnia Ściapana na «Płoščy Pieramien». U sudzie taksama pačali prasłuchoŭvać telefonnyja razmovy palitviaźnia, jakija śpiecsłužby zapisvali z červienia 2020 hoda.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary