The Guardian pra śmierć Ašurka: «Prosta tut heta ŭbačyŭ uvieś śviet»
Viadučaje suśvietnaje vydańnie piša pra masavyja represii ŭ Biełarusi.
«Sotni pryjšli raźvitacca z palitviaźniem Vitoldam Ašurkam. Jaho chavali pad bieł-čyrvona-biełym ściaham, u toj čas jak miascovaja milicyja sačyła za raźvitalnaj cyrymonijaj, — piša brytanskaje levaje vydańnie. — Paśla letašnich masavych demanstracyj suprać režymu Alaksandra Łukašenki 50-hadovaha Vitolda Ašurka asudzili na piać hadoŭ kałonii, dzie jon pražyŭ mienš za hod. Kali cieła palitviaźnia viarnuli siamji, jaho hałava była całkam zabintavanaja — byŭ bačny tolki rot, adznačyŭ siabar siamji.
Za miesiac da svajoj śmierci Vitold Ašurak raskazaŭ, što palityčnych źniavolenych prymušali nasić žoŭtyja birki, jakija identyfikavali aryštantaŭ jak ekstremistaŭ. Urad apublikavaŭ videa, na jakim palitviazień pavaliŭsia i ŭdaryŭsia hałavoj, nibyta paśla čaho ŭ chutkim časie pamior. Čamu jon pavaliŭsia, zastajecca zahadkaj. Niekatoryja blizkija ličać, što jaho, mahčyma, źbivali i katavali.
Mižnarodnaja ŭvaha viarnułasia da Biełarusi paśla prymusovaha spynieńnia samalota i zatrymańnia Ramana Pratasieviča. Ale ŭvieś hety čas u krainie nie spyniałasia samaje maštabnaje padaŭleńnie inšadumstva z časoŭ Savieckaha Sajuza. U krainie sotni palitźniavolenych, i praciahvajecca akazvacca biesprecedentny cisk jak na niezaležnych žurnalistaŭ, tak i na aktyvistaŭ.
«Jany parušali zakon da hetaha, jany źbivali ludziej, katavali na Akreścina ŭ žniŭni — ja nie baču ničoha asablivaha ŭ incydencie z samaletam, prosta tut heta ŭbačyŭ uvieś śviet», — skazaŭ biełaruski žurnalist, jaki paprasiŭ nie nazyvać svajo imia.
U artykule taksama ŭzhadvajucca razhrom Tut.By, suicyd 17-hadovaha Źmitra Stachoŭskaha, prysud da 18 hadoŭ kałonii Dzianisu Uradu.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary