Ramana Pratasieviča pieraviali ŭ SIZA KDB, dzie znachodzicca i jahonaja dziaŭčyna Safija Sapieha, zatrymanaja razam ź im u aeraporcie Minska. U siastry Ramana ŭpieršyniu tam pryniali pasyłku, ale kanfiskavali ź jaje knihu, piša Bi-bi-si
«Moža być, advakaty i kažuć praŭdu [nakont badzioraści Ramana i Safii], ale całkam mahčyma, heta ŭsio zroblena dla taho, kab nie pakazać sapraŭdnaje stanovišča spraŭ. Jany mohuć na ludziach kazać, što jany badzioryja, viasiołyja i hetak dalej. Chutčej za ŭsio, ich prymusili. Jany siadziać tam, dzie radaści i viesiałości niama miesca. Heta možna syhrać. U nas surjozna zacisnuli advakataŭ, im dali padpisku [ab nievydavańni] - nielha kazać, pa jakim artykule abvinavačvajecca. Taki pravavy nonsens. I advakat nam šmat nie kaža», - skazaŭ Bi-bi-si Baćka ramana Dźmitryj Pratasievič.
Siamja Pratasieviča daviedałasia, što ich syn znachodzicca ŭ minskim SIZA KDB u piatnicu, kali siastry Ramana ŭdałosia pieradać u izalatar pieradaču.
«My da kanca nie viedali, dzie jon znachodzicca, pakul dačka nie pieradała pasyłku. A raz jaje pryniali, zrazumieła, dzie. Jana pieradała toje, što tam dazvolena — pradmiety asabistaj hihijeny … jon knihu prasiŭ praz advakata, ale jaje nie pryniali, bo drukavanaja pradukcyja zabaronienaja», - raspavioŭ Dźmitryj Pratasievič.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary