Urad Litvy: Budziem damahacca zakryćcia prastory Biełarusi dla mižnarodnych rejsaŭ
U niadzielu samalot Afiny — Vilnia byŭ vymušany pryziamlicca ŭ Minsku. Litoŭski ŭrad nazvaŭ heta «dziaržaŭnym terarystyčnym dziejańniem» i paabiacaŭ damahacca zakryćcia pavietranaj prastory Biełarusi dla mižnarodnych palotaŭ.
U raspaŭsiudžanym u niadzielu paviedamleńni adznačajecca, što dziejańni Biełarusi demanstrujuć, što pavietranaja prastora hetaj krainy nie źjaŭlajecca biaśpiečnaj dla ŭsich, a Litva budzie patrabavać «vyraznaha i bieskampramisnaha» adkazu mižnarodnaj supolnaści, piša Delfi.lt.
«ES pavinien raspačać dziejsnyja miery pa abaronie ŭsich asob, hramadzianami jakoj by krainy jany nie źjaŭlalisia, kali im pahražaje niebiaśpieka z pryčyny nieadekvatnych dziejańniaŭ režymu. Razam ź mižnarodnymi partniorami my budziem damahacca taho, kab biełaruskaja pavietranaja prastora była zakryta dla mižnarodnych rejsaŭ. Toje, što adbyłosia siońnia, źjaŭlajecca vypadam nie tolki suprać Litvy, ale i sihnałam dla ŭsiaho Jeŭrasajuza i mižnarodnych arhanizacyj», — havorycca ŭ zajavie.
Kamientary