Žonka Vitolda Ašurka: Raniej nijakich prablem z sercam u jaho nie było
21 maja stała viadoma, što ŭ škłoŭskaj kałonii pamior 50-hadovy palitviazień ź Biarozaŭki Vitold Ašurak. 18 studzienia ŭ Lidzie na zakrytym pracesie jamu prysudzili 5 hadoŭ kałonii ahulnaha režymu. Ašurak byŭ siabram Partyi BNF, kaardynataram ruchu «Za svabodu», čałaviek byŭ biaskonca addany Biełarusi.
«Ničoha nie viadoma. Za vychodnyja my ničoha nie daviedajemsia. Brat telefanavaŭ u mahiloŭski Śledčy kamitet, jamu dali tolki stacyjanarnyja numary śledčych — jany nie adkazvajuć. A subota i niadziela — u ich vychodnyja. Tak što, ja dumaju, da paniadziełka my ŭvohule ničoha nie daviedajemsia», — paviedamiła «Biełsatu» žonka palitviaźnia Volha.
Aficyjnaja pryčyna śmierci — spynieńnie serca. Ale, kaža žonka, «serca ŭ jaho było zdarovaje absalutna». Razam z tym, adznačaje jana, u jaho byŭ trambaflebit, taksama ŭ karancinie jon moh zarazicca karanavirusam.
«Ale heta dadumki, infarmacyi nul», — padkreśliła žonka Vitolda Ašurka.
Apošni list palitviazień napisaŭ joj 30 krasavika.
«Z taho času nivodnaha lista nie było. Volzie Bykoŭskaj jon jašče adzin list dasłaŭ — i ŭsio, bolš listoŭ ad jaho sa Škłoŭskaj kałonii nie było. A jon časta pisaŭ. Raz na dziesiać dzion stabilna ad jaho byŭ list. A tut nie było nijakaj infarmacyi», — padkreśliła Volha Ašurak.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary