Ëj stała dypłamatka Elizabieta Biełoni.
U sieradu italjanski premjer Marya Drahi abviaściŭ, što hłavoj Departamienta infarmacyjnaj biaśpieki hetaj krainy stanie 63-hadovaja Elizabieta Biełoni. Śpiecsłužbu ŭ Italii ŭpieršyniu ŭznačaliła žančyna.
Departamient, jakim ciapier kiruje spadarynia Biełoni, zajmajecca pytańniami zamiežnaj i ŭnutranaj vyviedki, u tym liku kontrvyviedki i kibierbiaśpieki, i padspravazdačny niepasredna italjanskamu ŭradu.
Jaje pryznačeńnie pryvitali italjanskija palityki, u tym liku i ministr unutranych spraŭ krainy Matea Salvini. Jon adazvaŭsia pra Biełoni jak pra advažnuju žančynu, piša VVS.
Elizabieta Biełoni naradziłasia ŭ 1958 hodzie i stała ŭ svoj čas adnoj ź pieršych dziaŭčat, jakija pastupili ŭ prestyžny rymski Instytut Masimilijana Masima. Raniej u hetuju ŭstanovu, jakuju skončyŭ i italjanski premjer Drahi, brali tolki chłopcaŭ.
Biełoni pracavała dypłamatam u Vienie i Bracisłavie, paśla čaho z 2004 pa 2008 hady ŭznačalvała apieratyŭny štab italjanskaha ministerstva zamiežnych spraŭ. Na hetaj pasadzie jana taksama była pieršaj žančynaj. Padčas pracy Biełoni daviałosia vyrašać pytańni, źviazanyja z hibiellu i ranieńniami italjanskich hramadzian za miažoj, u tym liku ź ich vykradańniami ŭ Afhanistanie i Iraku, a taksama kuryravać apieracyju pa vyratavańni italjancaŭ paśla cunami ŭ Indyjskim akijanie ŭ 2004 hodzie.
Jana pracavała taksama dziaržsakratarom u ministerstvie zamiežnych spraŭ krainy, i na hetaj pasadzie jana taksama była pieršaj žančynaj.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary