Ëй стала дыпламатка Элізабета Белоні.
У сераду італьянскі прэм’ер Марыа Драгі абвясціў, што главой Дэпартамента інфармацыйнай бяспекі гэтай краіны стане 63-гадовая Элізабета Белоні. Спецслужбу ў Італіі ўпершыню ўзначаліла жанчына.
Дэпартамент, якім цяпер кіруе спадарыня Белоні, займаецца пытаннямі замежнай і ўнутранай выведкі, у тым ліку контрвыведкі і кібербяспекі, і падсправаздачны непасрэдна італьянскаму ўраду.
Яе прызначэнне прывіталі італьянскія палітыкі, у тым ліку і міністр унутраных спраў краіны Матэа Сальвіні. Ён адазваўся пра Белоні як пра адважную жанчыну, піша ВВС.
Элізабета Белоні нарадзілася ў 1958 годзе і стала ў свой час адной з першых дзяўчат, якія паступілі ў прэстыжны рымскі Інстытут Масіміліяна Масіма. Раней у гэтую ўстанову, якую скончыў і італьянскі прэм’ер Драгі, бралі толькі хлопцаў.
Белоні працавала дыпламатам у Вене і Браціславе, пасля чаго з 2004 па 2008 гады ўзначальвала аператыўны штаб італьянскага міністэрства замежных спраў. На гэтай пасадзе яна таксама была першай жанчынай. Падчас працы Белоні давялося вырашаць пытанні, звязаныя з гібеллю і раненнямі італьянскіх грамадзян за мяжой, у тым ліку з іх выкраданнямі ў Афганістане і Іраку, а таксама курыраваць аперацыю па выратаванні італьянцаў пасля цунамі ў Індыйскім акіяне ў 2004 годзе.
Яна працавала таксама дзяржсакратаром у міністэрстве замежных спраў краіны, і на гэтай пасадзе яна таксама была першай жанчынай.
Каментары