Litva pastupova zdymaje karancinnyja abmiežavańni i ŭsio bolš biełaruskich pradpryjemstvaŭ dumajuć ab pieravodzie dziejnaści ŭ Litvu.
Pra heta raskazała Delfi vice-ministr ekanomiki i inavacyj Jovita Nielupšenie.
Jana paviedamiła, što 43 biełaruskija pradpryjemstvy ŭžo pačali praces pieravodu, a 37 jašče dumajuć. Cikavaść da Litvy prajaŭlajuć ahułam 110 biełaruskich pradpryjemstvaŭ, jany mahli b stvaryć u Litvie kala 3 tys. novych pracoŭnych miescaŭ. «Hetyja 3 tys. biełarusaŭ nie pavinny stvaryć asablivaj ryzyki na rynku infarmacyjnych technałohij)», — skazała jana.
U Litvu pieravažna chočuć pierabracca śpiecyjalisty IT, jakija pracujuć u śfiery startapaŭ, što pradastaŭlajuć pasłuhi raźvićcia biznesu, stvaralniki hulniaŭ.
Siońnia parłamiencki kamitet abmierkavaŭ i zaćvierdziŭ papraŭki da zakonaŭ ab inviestycyjach i ab zaniataści abo tak zvany pakiet ab rełakacyi rabotnikaŭ.
Kali papraŭki buduć pryniatyja, na lhoty zmohuć pretendavać pradpryjemstvy, jakija padpisali dahavory inviestycyj z uradam Litvy i abaviazalisia inviestavać jak minimum 1,45 młn jeŭra, stvaryć jak minimum 20 novych pracoŭnych miescaŭ i płacić zarobki pamieram 1,5 siaredniaj vieličyni zarpłaty ŭ samakiravańni, u jakim buduć zroblenyja kapitałaŭkładańni.
Pa słovach Jo. Nielupšenie, dahavory inviestycyj z uradam užo padpisała 71 biełaruskaje pradpryjemstva. Ministerstva ekanomiki i inavacyj spadziajecca, što papraŭki ŭstupiać u siłu ŭžo ŭ červieni.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary