Za sutki biełarusy sabrali bolš za 40 tysiač rubloŭ na adnaŭleńnie kaścioła ŭ Budsłavie
Pra heta Tut.by raspaviała Volha Łabuć, namieśnica dyrektara dabračynnaha katalickaha tavarystva «Karytas» Minska-Mahiloŭskaj archidyjacezii.
Jašče ŭčora Kanfierencyja Katalickich Biskupaŭ zaklikała viernikaŭ dapamahčy ŭ adnaŭleńni kaścioła. I siońnia, zhodna sa źviestkami na 14.10, na dabračynny rachunak katalickaha tavarystva «Karytas» Minska-Mahiloŭskaj archidyjacezii pieraviali krychu bolš za 40 787 rubloŭ, raspaviała Volha Łabuć.
Taksama ŭčora možna było achviaravać praź sistemu webpay niepasredna parafii ŭ Budsłavie.
Siońnia źjaviŭsia telehram-kanał «Adnovim Budsłaŭ razam!» — @budslau. U im buduć pisać pra arhanizacyjnyja pytańni pa adnaŭleńni kaścioła. Ciapier šukajuć alpinistaŭ i ludziej z dopuskam pracy na vyšyni, bo treba spuskać uniz belki i reštki mietaličnaha dachu.
Taksama aktualnaja infarmacyja budzie źjaŭlacca ŭ Instagram-akaŭncie «Karytas» — caritasminsk.
Volha Łabuć adznačyła, što dapamoha vałancioraŭ spatrebicca ŭ najbližejšyja dni, ale prosta zaraz ich u kaścioł puścić nie mohuć: spačatku tam nieabchodna razabrać belki i reštki dachu, a heta moža zrabić nie kožny, tut patrebna śpiecyjalnaja padrychtoŭka. Kali dostup u kaścioł adkryjuć, vałanciory zmohuć aktyŭna dapamahać. Pra heta asobna paviedamiać u telehram-kanale.
Jak pieraličyć hrošy na adnaŭleńnie kaścioła ŭ Budsłavie praz ARIP
-
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna
-
U Baranavičach ušanavali pamiać lotčykaŭ-hierojaŭ Andreja Ničyporčyka i Mikity Kukanienki
-
Na vybarach u Kaardynacyjnuju radu nie zmahli prahałasavać try pracenty
Kamientary