Zołatavalutnyja reziervy ŭ krasaviku vyraśli paśla troch miesiacaŭ padzieńnia
Mižnarodnyja reziervovyja aktyvy Biełarusi na 1 maja 2021 hoda, pavodle papiarednich źviestak, skłali 7,278 młrd dalaraŭ (u ekvivalencie), pavialičyŭšysia za krasavik na 337,9 młn dalaraŭ (na 4,9%) paśla skaračeńnia ŭ sakaviku na 174,5 młn dalaraŭ, paviedamlaje Tut.by.
Z pačatku hoda zołatavalutnyja reziervy skaracilisia na 2,8%.
Rost uzroŭniu zołatavalutnych reziervaŭ u krasaviku ŭ asnoŭnym abumoŭleny kuplaj Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža», pavieličeńniem koštu manietarnaha zołata, a taksama pastupleńniem zamiežnaj valuty ŭ biudžet.
U krasaviku 2021 hoda ŭrad vykanaŭ zamiežnyja i ŭnutranyja abaviazki ŭ zamiežnaj valucie na sumu kala 105 młn dalaraŭ.
Zhodna z asnoŭnymi kirunkami hrašova-kredytnaj palityki na 2021 hod, abjom mižnarodnych reziervovych aktyvaŭ na 1 studzienia 2022 hoda pavinien skłaści nie mienš za 6 młrd dalaraŭ. Takoje źnižeńnie zapłanavana z ulikam nieabchodnaści vypłat dziaržavaj valutnaha doŭhu ŭ pamiery 3,3 młrd dalaraŭ sioleta.
Za 2020 hod zołatavalutnyja reziervy stracili 1,9 młrd dalaraŭ.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary