Vysokapastaŭleny łukašenkaviec u filmie ANT spasłaŭsia na nieisnujučuju cytatu Tetčer
U efir ANT vyjšaŭ film «Zabić prezidenta», ab kryminalnaj spravie Ziankoviča, Fiaduty i Kastusiova. Adnym z kamientataraŭ filma staŭ praŭładny historyk, a ŭ minułym vysokapastaŭleny čynoŭnik i KDBist Stanisłaŭ Kniazieŭ.
Stanisłaŭ Kniazieŭ — uradženiec Novasibirska, vypusknik škoły KDB SSSR i Akademii FSB Rasii, jaki ŭ pačatku 2000-ch byŭ pieršym namieśnikam kiraŭnika Administracyi prezidenta Biełarusi. Ciapier jon vykładčyk u Akademii kiravańnia.
«Biełaruś — apošniaje niezamknutaje źviano ŭ sanitarnym kardonie vakoł Rasii. Čamu Rasii? Bo pryrodnyja resursy. Jašče Marharet Tetčer u svoj čas kazała: čamu heta Rasija adna karystajecca svaimi pryrodnymi resursami, a astatnim ich pradaje? U nas ahulnaja płanieta [śmiajecca]», — skazaŭ Kniazieŭ.
Nasamreč, Marharet Tetčer nikoli takoha nie kazała.
Padobnuju cytatu, ukinutuju kramloŭskimi trolami na internet-forumach, časam prypisvajuć Madlen Ołbrajt.
U červieni 2015 hoda sakratar Rady biaśpieki Rasii Mikałaj Patrušaŭ u intervju «Kommiersantu» zajaviŭ: «Vy, napeŭna, pamiatajecie vykazvańnie eks-dziaržsakratara ZŠA Madlen Ołbrajt, što Rasii nie naležyć ni Daloki Uschod, ni Sibir».
Ołbrajt nikoli takoha nie kazała, frazu ŭpieršyniu vymaviŭ hienierał fiederalnaj słužby achovy ŭ adstaŭcy, «ekstrasens» Barys Ratnikaŭ. Jon tłumačyŭ, što padčas padklučeńnia da padśviadomaści dziaržsakratara vyjaviŭ «patałahičnuju nianaviść da słavian» i žadańnie prysvoić Sibir. Niahledziačy na vidavočnuju fejkavaść, na hetuju frazu spasyłaŭsia nie tolki Patrušaŭ, ale i Uładzimir Pucin.
A Tetčer časta prypisvajuć cytatu «pra 15 miljonaŭ ruskich»: «Pavodle acenak suśvietnaj supolnaści, ekanamična metazhodna pražyvańnie na terytoryi Rasii tolki 15 miljonaŭ čałaviek».
Heta taksama fejk. Upieršyniu hetyja słovy źjaŭlajucca ŭ 1997 hodzie i adrazu na ruskaj movie, biez spasyłki na anhlijski aryhinał. Ich pryvodzić publicyst Andrej Paršaŭ u svajoj knizie «Čamu Rasija nie Amieryka».
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary