Stała viadomaje imia čaćviortaj aryštavanaj pa spravie «zamachu na Łukašenku»
21 krasavika ŭ efiry telekanała «Biełaruś-1» načalnik adździeła śledčaha ŭpraŭleńnia KDB Kanstancin Byčak zajaviŭ, što pa spravie «zamachu na Łukašenku i dziaržpieravarotu» zatrymanyja čatyry čałavieki.
Raniej viadoma było tolki pra troch — heta advakat z ZŠA Juraś Ziankovič, a taksama litaraturaznaŭca Alaksandr Fiaduta i staršynia Partyi BNF Ryhor Kastusioŭ. Imia čaćviortaha fihuranta pradstaŭnik KDB nie nazvaŭ.
«Naša Niva» daznałasia, što havorka, chutčej za ŭsio, viadziecca pra 43-hadovuju Volhu Hałubovič. Raniej jana zajmałasia spravami minskaha ofisa Jurasia Ziankoviča, jaki dapamahaŭ ludziam ź mihracyjaj u ZŠA.
Žonka Jurasia Alena ŭ kamientary naviny.online paćviardžała tydzień tamu, što Hałubovič zatrymanaja KDB. A minski ofis Ziankoviča nibyta spyniŭ pracu jašče ŭ vieraśni 2020 hoda.
«Našaj Nivie» stała viadoma, što Volha praciahvaje znachodzicca ŭ niavoli. Ci vystaŭlena joj abvinavačańnie, rodnyja dakładna nie viedajuć. Jany pakul admaŭlajucca ad kamientaroŭ.
Što viadoma pra Volhu Hałubovič? Jana rodam ź Minska, ale ŭ padletkavym uzroście razam z baćkami pierajechała ŭ miastečka Śvisłač Puchavickaha rajona. Vučyłasia ŭ mastackaj vučelni, a taksama na fiłfaku BDU, dzie vyvučała biełaruskuju, ruskuju i sierbskuju movy.
Volha pracavała sacyjalnym piedahoham u škole ŭ Śvisłačy, a taksama padmianiała nastaŭnikaŭ biełaruskaj i anhlijskaj movy. U 2003 hodzie stała deputatam miascovaha pasiałkovaha savieta, choć i pradstaŭlała Partyju BNF. Mahčyma, z taho času jana i viedaje Jurasia Ziankoviča, jaki ŭ toj ža čas abiraŭsia ŭ miascovyja saviety.
Volha pryncypova karystałasia biełaruskaj movaj, pad jaje ŭpłyvam pa-biełarusku staŭ havaryć i jaje muž Aleś. Potym Volha ŭznačalvała kampaniju «Za našu Śvisłač». Tym nie mienš asabliva nie śviaciłasia ŭ hramadskim žyćci.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary