Ministerstva zamiežnych spraŭ Biełarusi raspaŭsiudziła zajavu ŭ suviazi z rašeńniem ZŠA ab adnaŭleńni sankcyj.
«Hety krok, jakoj by rytorykaj jon ni vualavaŭsia, faktyčna nakiravany na paharšeńnie materyjalnaha dabrabytu biełaruskich hramadzian i źnižeńnie ekanamičnaha patencyjału našaj krainy — adnaho sa słupoŭ biełaruskaj niezaležnaści. Takija dziejańni niedvuchsensoŭna demanstrujuć, za jakuju nasamreč «svabodnuju i niezaležnuju Biełaruś» tak vystupaje amierykanskaja administracyja», — havorycca ŭ zajavie.
U MZS adznačyli, što na fonie surjoznych unutranych prablem, jakija siońnia va ŭsich na słychu, novaja administracyja ZŠA «sa skury lezie», kab na kim-niebudź prademanstravać svaju žorstkaść i psieŭdapryncypovaść.
Tam taksama padkreślili, što suvierenitet i niezaležnaść — nieparušnyja dla biełaruskaha naroda kaštoŭnaści.
«Jak byvała i raniej, Respublika Biełaruś raspačnie ŭsie namahańni, u tym liku na mižnarodnym uzroŭni, kab abaranić ad dadzienych destruktyŭnych mier ZŠA dabrabyt tysiač rabotnikaŭ pradpryjemstvaŭ i našych hramadzian. Reziervujem asimietryčny adkaz i dla amierykanskaha boku», — zajavili ŭ MZS.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram31
Kamientary