Za paviešanyja lalki top-čynoŭnikaŭ traim žycharam Mahilova dali pa try hady kałonii
19 krasavika sudździa Kruhlanskaha rajona Dźmitryj Sasnoŭski abviaściŭ prysudy pa spravie mahiloŭskich «lalečnikaŭ», paviedamlaje «Viasna».
Volha Klimkova atrymała 3 hady i 6 miesiacaŭ kałonii ahulnaha režymu. Siarhiej Skok — 3 hady i 6 miesiacaŭ kałonii ahulnaha režymu. Maksim Siarhiejenka — 3 hady kałonii ahulnaha režymu.
Jaho pastanavili ŭziać pad vartu — da hetaha jon znachodziŭsia pad padpiskaj ab niavyjeździe. Skok i Klimkova znachodzilisia pad vartaj ź listapada.
U kancy listapada ŭ Mahilovie było zatrymana kala 8 čałaviek pa padazreńni ŭ vyviešvańni «lalek» roznych čynoŭnikaŭ. Usie zatrymanyja znachodzilisia ŭ telehram-čacie «Adradžeńnie».
Pavodle MUS, mahiloŭcy «vyrabili šeść rostavych lalek z cyničnymi nadpisami i vyjavami vyšejšych słužbovych asob, raźmiaścili ich na puciepravodach pablizu viosak Vilčycy i Lubuž, sfatahrafavali i raspaŭsiudzili zdymki ŭ siecivie».
Na łavie padsudnych apynulisia Skok, Klimkova i Siarhiejenka. Usich traich pryznali vinavatymi ŭ ździajśnieńni złosnaha chulihanstva (č. 2 art. 339 KK RB) i abrazie prezidenta (č. 2 art. 368 KK RB).
Dziaržaŭny abvinavaŭca Arciom Nalivajka patrabavaŭ kožnamu dać pa 5 hadoŭ kałonii ahulnaha režymu.
Praces prachodziŭ u zakrytym režymie, pakolki niekatoryja śviedki pa hetaj kryminalnaj spravie znachodziacca pad kryminalnym pieraśledam užo pa inšym epizodzie.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary