Złačyncu, jaki ŭciok z zały suda ŭ Žodzinie, pakul nie znajšli.
Ucioki 31‑hadovaha Siarhieja Bahdašova z budynka suda ŭ Žodzinie źjavilisia vynikam «raschlabanaści i chałatnaści» supracoŭnikaŭ milicyi.
Takoje mierkavańnie načalnika Upraŭleńnia ŭnutranych spraŭ Minskaha abłvykankama pałkoŭnika Ivana Saŭčyca.
«My heta ŭsio razumiejem. Siońnia na nas heta takaja plama, jakuju zmyjem tolki tady, kali zatrymajem Bahdašova», —zajaviŭ jon u hutarcy z karespandentam BiełaPAN.
Nahadajem, uradženiec Jalizava (Mahiloŭskaja vobłaść), abvinavačvaŭsia va ŭčynieńni kradziažoŭ, za im ličycca kala 30 kryminalnych epizodaŭ. Dziaržabvinavaŭca zapatrabavaŭ pryhavaryć jaho da 10 hadoŭ pazbaŭleńnia voli.
Začytać pryhavor sudździa nie paśpieŭ — padsudny napaŭ na kanvaira, zavałodaŭ jaho tabielnaj zbrojaj — pistaletam PM z 16 patronami — i uciok. Heta adbyłosia 29 maja ŭ 14.40.
Paśla ŭciokaŭ u dačynieńni da Bahdašova byli raspačatyja dźvie kryminalnyja spravy: pa č. 4 art. 294 KK (kradziež ahniastrelnaj zbroi, bojeprypasaŭ abo vybuchovych rečyvaŭ) i č. 2 art. 413 KK (ucioki z papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli, aryštnaha doma ci z‑pad varty). Kryminalnaja sprava raspačata taksama ŭ dačynieńni da kanvaira. Jon padazrajecca ŭ słužbovaj chałatnaści.
«Nam sustreŭsia vielmi mocny praciŭnik, — ličyć Ivan Saŭčyc.— Praciŭnik u płanie taho, što hety čałaviek, kolki žyvie, stolki hadoŭ jon i ŭčyniaŭ supraćpraŭnyja dziejańni. Jamu staviacca ŭ vinu 34 fakty. Heta vielmi adčajny złačynca ŭ płanie taho, što jon zachodziŭ u dom, kali ludzi adpačyvali, jon braŭ majomaść, kaštoŭnaści, zabiraŭ klučy ad mašyny i na hetaj mašynie źjazdžaŭ. Usio heta pradumvałasia, usio heta vielmi zdorava rabiłasia».
Pavodle słoŭ načalnika UUS, miery pa vyšuku źnikłaha byli pryniaty apieratyŭna. Adpracoŭka miascovaści pačałasia praz 10 chvilin paśla zdareńnia z uviadzieńniem płana «Sirena». Čaćviora sutak supracoŭniki UUS pracavali pa 24 hadziny.
«Na hety čas my majem infarmacyju, što naš złačynca znachodzicca za miežami krainy.Rabota pa im nie spyniajecca ni na adnu chvilinu», — skazaŭ Ivan Saŭčyc.
Ciapier čytajuć
Łosik raskazaŭ, jak Babaryku katavali ŭ navapołackaj kałonii15
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary