Pravaabaronca Taćciana Hacura-Javorskaja aficyjna zatrymanaja pa kryminalnaj spravie
Pra heta Radyjo Svaboda paviedamiŭ muž Taćciany Uładzimir Javorski. U čaćvier nad usimi zatrymanymi aktyvistkami «Źviana» prajšli administracyjnyja pracesy.
Zasnavalnicu hramadskaha abjadnańnia «Źviano» i adnu z arhanizatarak vystavy «Mašyna dychaje, a ja — nie» Taćcianu Hacuru-Javorskuju zatrymali 6 krasavika.
Napiaredadni supracoŭniki DFR praviali pieratrusy ŭ ofisie arhanizacyi, a taksama ŭ kvatery i na leciščy Taćciany. Śledčyja dziejańni pravodzilisia ŭ miežach spravy pa artykule 293 Kryminalnaha kodeksa — finansavańnie abo materyjalnaje zabieśpiačeńnie biesparadkaŭ.
Za dzień da zatrymańnia Taćciany Hacury-Javorskaj siłaviki praviali pieratrusy jašče ŭ dźviuch arhanizatarak vystavy «Mašyna dychaje, a ja — nie» — Natalli Treninaj i Julii Siamienčanka. Abiedźvie jany zaraz taksama za kratami.
U čaćvier nad zatrymanymi aktyvistkami prajšli administratyŭnyja pracesy. Troje ź ich atrymali štrafy, u tym liku Taćciana Hacura-Javorskaja. Akramia štrafu Taćcianie taksama vystavili abvinavačvańnie pa kryminalnym artykule.
«Usich zatrymanych aktyvistak «Źviana» sudzili pa administracyjnych spravach, u tym liku Taćcianu, — raskazaŭ Uładzimir. — Taćcianie dali štraf, 50 bazavych i mahli vypuścić. My čakali la IČU. U vyniku advakat skazała, što ŭ Taćciany inšy status, jana zatrymanaja pa kryminalnaj spravie. Što heta za sprava kankretna, my pakul nie viedajem. Achova IČU nie paviedamlała detalaŭ. Ahułam siońnia sudzili piać zatrymanych. Adnaho čałavieka adpuścili sa štrafam, jašče traim dali pa siem sutak, jany buduć pad vartaj da paniadziełka. Usich pryznali vinavatymi ŭ niepadparadkavańni supracoŭnikam pravaachoŭnych orhanaŭ».
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?2
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary