Siadziba Ciundziavickich kanca XIX stahodździa, jakuju sabralisia znosić, moža atrymać achoŭny status
U śpisie abjektaŭ, jakija padlahajuć śpisańniu i znosu, apynułasia siadziba Ciundziavickich, pabudavanaja ŭ kancy XIX stahodździa ŭ vioscy Hałošava Tałačynskaha rajona. Pryčyna — avaryjny stan.
«Zachodzić tudy niebiaśpiečna. Usie draŭlanyja pierakryćci pamiž pavierchami ruchnuli. Pravaliłasia stol, i za joj častka dachu», — raskazvali miascovyja ŭłady.
Siadziba nie maje achoŭnaha statusu. Ale heta moža źmianicca.
Čytač «Našaj Nivy», siabra moładzievaha hramadskaha abjadnańnia «Historyka» Alaksiej Dužy źviarnuŭsia ŭ Ministerstva kultury nakont zachavańnia abjekta. U adkaz jamu pryjšła kopija lista, jaki viedamstva nakiravała ŭ Viciebski abłvykankam.
U im Ministerstva piša, što siadziba moža vałodać prykmietami, nieabchodnymi dla nadańnia joj statusu historyka-kulturnaj kaštoŭnaści. Tamu ličyć metazhodnym, kab Viciebski abłvykankam prapracavaŭ pytańnie ab nadańni takoho statusu.
«Prosim vyklučyć adznačanyja abjekty sa śpisu nieruchomych dziaržaŭnych abjektaŭ, jakija padlahajuć śpisańniu z nastupnym znosam i rekultyvacyjaj ziamielnych učastkaŭ u 2021 hodzie da kančatkovaha vyrašeńnia pytańnia», — havorycca ŭ liście za podpisam namieśnika ministra kultury Valeryja Hramady.
-
Vyjdzie pa-biełarusku raman Bredbiery «451 hradus pavodle Farenhiejta»
-
U Niaśvižy ź vialikaj źnižkaj pradajuć stohadovuju viłu polskich čynoŭnikaŭ. Za što jaje chvalili mižvajennyja krytyki?
-
«VKŁ było biełaruskim nastolki ž, nakolki Brytanskaja impieryja była indyjskaj». Chto i jak ścior «Pahoniu» z anhłamoŭnaj Vikipiedyi
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary