Jak ruchać kulturu, urbanistyku, inkluziju: stvaralniki papularnych prajektaŭ praviaduć majstar-kłas u anłajnie

Adkryje majstar-kłas tematyčny błok pra kulturu.

Kiraŭnik płatformy Say.by Alaksandr Šastakovič raskaža, jak vykarystoŭvać IT-technałohii dla vyvučeńnia biełaruskaj movy.

U jakaści śpiecyjalnaha hościa na sustreču taksama zaprošany pieramožca minułaha siezona konkursu «Pieršyja» Pavieł Ananič, jaki prapanavaŭ raspracavać prykładańnie, kab vyvučać pomniki architektury z dapamohaj technałohij dapoŭnienaj realnaści. 

Śpikieram na temu inkluzii vystupić stvaralnica i dyzajnier brendu Tikota Unique Kaciaryna Biazrukava. Jana raskaža pra toje, jak prydumlaje madeli adzieńnia dla ludziej ź invalidnaściu, ciažarnych i kormiačych mam, a taksama pra toje, jak navat adna nievialikaja detal moža zrabić čyjości žyćcio bolš kamfortnym.

Jaje vystupleńnie dapoŭnić jašče adna śpiecyjalnaja hościa — pieramožca minułaha siezona konkursu «Pieršyja» Sofja Fiedčanka, jakaja prezientavała ŭ finale ideju abstalavać vučebnyja kłasy admysłovymi kantorkami, kab školniki z zachvorvańniami pazvanočnika mahli zajmacca stojačy.

Svaim vopytam u śfiery ŭrbanistyki padzielicca architektar i dyzajnier Taćciana Ciareščanka, jakaja raskaža pra toje, jak i navošta mianiać navakolny śviet.

Śpiecyjalny hość hetaha tematyčnaha błoka — pieramožca minułaha siezona konkursu «Pieršyja» Dzianis Rabčuk. Na praciahu niekalkich hadoŭ jon razam z kamandaj adnadumcaŭ stvaraje ŭ Breście murały ź vieršami biełaruskich kłasikaŭ i płanuje pašyryć prajekt na inšyja harady Biełarusi.

Paśla vystupleńniaŭ śpikieraŭ udzielniki majstar-kłasa zmohuć pahutaryć ź imi ŭ čacie. Aŭtary samych składanych i cikavych pytańniaŭ, zarehistravanyja na sajcie prajekta www.generation.A1.by, atrymajuć kaštoŭnyja padarunki.

Meta adukacyjnaj prahramy zaklučajecca ŭ tym, kab raskazać školnikam, jakija prajekty ŭžo isnujuć u Biełarusi ŭ śfiery kultury, inkluzii, urbanistyki, ekałohii i technałohij. A taksama pakazać, jak adna ideja moža źmianić da lepšaha žyćcio mnohich ludziej. Heta dazvolić staršakłaśnikam padzialicca svaim mierkavańniem pa kožnaj z tem i prydumać ułasny prajekt, kab padać jaho na konkurs idej «Pieršyja», prezientavać na mižnarodnaj moładzievaj kanfierencyi TEDxYouth@Minsk i atrymać iPhone 12. U lutym užo adbyŭsia majstar-kłas pa technałohijach i ekałohii.

Da 30 krasavika adkryty pryjom zajavak dla staršakłaśnikaŭ na ŭdzieł u konkursie idej pa piaci kirunkach — «Technałohii», «Kultura», «Ekałohija», «Inkluzija», «Urbanistyka». Dla hetaha treba źniać videarolik pra svaju ideju (da 3 chvilin), padzialicca im u luboj sacyjalnaj sietcy (TikTok, Instagram, VK, YouTube, FB, OK, Twitter) z chešteham konkursu #generationA1 i dasłać spasyłku na [email protected].

Sacyjalna-adukacyjny prajekt «Pieršyja» realizujecca kampanijaj A1 pry padtrymcy arhanizataraŭ kanfierencyj TEDxMinsk. Usie mierapryjemstvy prachodziać na biełaruskaj movie, uklučajučy majstar-kłasy i publičnyja vystupleńni finalistaŭ, bo adna z metaŭ konkursu — pašyreńnie vykarystańnia biełaruskaj movy i pavieličeńnie jaje papularnaści z dapamohaj suśvietnaj supolnaści TED.

Čytać bolš pra konkurs idej «Pieršyja» ad A1

• 0
• 0
• 0
• 0
• 0
• 0
• 0
• 0