Eks-udzielnik kamandy Ściapana Puciły: Mianie ŭvodziać u komu — žoŭtaja lichamanka
23-hadovy biełaruski žurnalist Kryścijan Šynkievič paviedamiŭ u tvitary pra toje, što daktary ŭvodziać jaho ŭ miedykamientoznuju komu. Jon znachodzicca ŭ adnoj z krain Łacinskaj Amieryki, dzie zachvareŭ na žoŭtuju lichamanku. «Piačonka pačynaje admaŭlać. Na žal, žoŭtaja lichamanka nie samaja prostaja reč dla majho arhanizma», — napisaŭ jon u apošnim dopisie.
Kryścijan Šynkievič kala miesiaca tamu syšoŭ z kamandy Ściapana Puciły, jon pracavaŭ u prajekcie, jaki biełaruskija ŭłady ličać ekstremisckim.
Raźvitańnie było niečakanaje i skandalnaje — Šynkievič pisaŭ u sacyjalnych sietkach pra toje, što jaho nibyta abvinavacili ŭ kradziažy na sumu kala $15 tysiač. Jon bajaŭsia, što jaho zatrymajuć na terytoryi Jeŭrasajuza i departujuć u Biełaruś. Tamu palacieŭ u Łacinskuju Amieryku.
Pakolki adjezd byŭ terminovym, Šynkievič nie paśpieŭ zrabić pryščepku ad žoŭtaj lichamanki. Niekatoryja krainy patrabujuć pry prylocie pašpart vakcynacyi, adnak Arhiencina, kudy jon uziaŭ bilet, stavicca da hetaha bolš łahodna. Jak vynikaje z tvitara Šynkieviča, jon paśpieŭ pabyvać i ŭ inšych krainach kantynienta, naprykład, byŭ u Vieniesuele.
U siaredzinie 2010-ch Šynkieviča vyklučyli z BDPU, jak jon śćviardžaŭ — pa palityčnych matyvach. Paśla hetaha chłopiec vučyŭsia ŭ Polščy pa prahramie Kalinoŭskaha.
Čytajcie taksama: Biełarus daviedaŭsia, što Ukantakcie zachoŭvaje ŭsiu vydalenuju infarmacyju. Kanflikt moža kaštavać sacsietcy da 20 miljonaŭ jeŭra
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary