«Burycca sistema maralnych kaštoŭnaściaŭ». Viadomy chirurh Dźmitryj Charkoŭ zvalniajecca ŭ znak salidarnaści
Kandydat miedycynskich navuk, zahadčyk adździeła pierśpiektyŭnych napramkaŭ vysokatechnałahičnaj miedycynskaj dapamohi MNPC transpłantałohii i hiematałohii Dźmitryj Charkoŭ napisaŭ zajavu ab zvalnieńni, paviedamlaje «Radyjo Svaboda».
Jon zrabiŭ heta ŭ znak salidarnaści sa svaim viciebskim kaleham, zahadčykam adździaleńnia aniestezijałohii i reanimacyi Viciebskaj haradskoj kliničnaj balnicy chutkaj miedycynskaj dapamohi Uładzimiram Martavym, ź jakim nie padoŭžyli kantrakt.
8 krasavika ŭ doktara Charkova kančajecca kantrakt, za miesiac da zakančeńnia jon napisaŭ zajavu ab zvalnieńni z MNPC.
«Ja pakinuŭ zajavu ŭ sakratara dyrektara MNPC Aleha Rumo, u joj vykłaŭ svaju pryncypovuju pazicyju. Zajava ŭžo padpisanaja. Nichto ničoha nie zapytaŭsia», — kaža Dźmitryj Charkoŭ.
Viadomy transpłantołah vučyŭsia ŭ Viciebskim miedycynskim instytucie. Baćka Uładzimira Martava, prafiesar, doktar miedyčnych navuk Juryj Barysavič Martaŭ, vykładaŭ u jaho chirurhiju.
Dźmitryj Charkoŭ publična źviartajecca da hałoŭnaha doktara Viciebskaha haradskoha kliničnaha špitala chutkaj miedyčnaj dapamohi Andreja Zacharava, a taksama choča pačuć dumki staršyni Biełaruskaj asacyjacyi daktaroŭ Dźmitryja Šaŭcova i prafsajuznaha lidara miedykaŭ Viačasłava Šyły.
«Vielmi kryŭdna, što nichto nie abaraniaje čałavieka — ni prafsajuzy, ni asacyjacyja doktaraŭ. Mnie chaciełasia b daviedacca dumku hałoŭnaha doktara, jakija ŭ jaho tłumačeńni, ź jakoj pryčyny Uładzimiru Martavu nie praciahvajuć kantrakt, što jon skaža. Bo dynastyja Martavych vielmi pavažanaja, viadomaja, baćka Uładzimira Juryj Barysavič byŭ asobaj. Treba adno adnomu dapamahać i padtrymlivać, inakš ničoha nie budzie.
Pytańnie paŭstaje šyrej: burycca sistema kaardynat, burycca sistema maralnych pryncypaŭ. Čałaviek — prafesijanał vysokaha kłasa, jon stolki žyćciaŭ vyratavaŭ. Hałoŭnaja kaštoŭnaść u nas jakaja? Čałaviečaje žyćcio. Atrymlivajecca, što abyšlisia niezasłužana. Sistema čałaviečych kaštoŭnaściaŭ paciarpieła. A bieź sistemy kaštoŭnaściaŭ hramadstva nie moža iści da čahości śvietłaha. Vielmi sumna», — kamientuje svoj učynak doktar Dźmitryj Charkoŭ.
Čytajcie taksama:
Zahadčyk reanimacyi viciebskaj balnicy raskazaŭ, jak i čamu situacyja z karanavirusam u horadzie vyjšła z-pad kantrolu
U Viciebsku zvalniajuć Uładzimira Martava — reanimatołaha, jaki pieršym u Biełarusi ščyra skazaŭ pra kavid
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5151
Kamientary