Siońnia – roŭna šeść hadoŭ, jak u Miensku źnik aperatar rasiejskaha telekanału ORT Źmicier Zavadzski. Ranicaj 7 lipienia 2000 hodu jon nakiravaŭsia ŭ aeraport Miensk-2 sustreć z Maskvy svajho kalehu Pavała Šaramieta i byŭ vykradzieny. Niehledziačy na toje, što pa sparvie Zavadzkaha adbyŭsia sudovy praces i niekalki čałaviek byli aasudžanyja, znajści cieła Zavadzki dahetul nie ŭdajecca. Pa inicyjatyvie Ab»jadnanaj Hramadzianskaj partyi siońnia ŭ Miensku ŭ 18.30 na Kastryčnickaj płoščy adbudziecca akcyja, prymierkavanaja da trahičnaj padziei ŭ lipieni 2000 hodu.
Siońnia – roŭna šeść hadoŭ, jak u Miensku źnik aperatar rasiejskaha telekanału ORT Źmicier Zavadzski. Ranicaj 7 lipienia 2000 hodu jon nakiravaŭsia ŭ aeraport Miensk-2 sustreć z Maskvy svajho kalehu Pavała Šaramieta i byŭ vykradzieny. Niehledziačy na toje, što pa sparvie Zavadzkaha adbyŭsia sudovy praces i niekalki čałaviek byli aasudžanyja, znajści cieła Zavadzki dahetul nie ŭdajecca. Pa inicyjatyvie Ab»iadnanaj Hramadzianskaj partyi siońnia ŭ Miensku ŭ 18.30 na Kastryčnickaj płoščy adbudziecca akcyja, prymierkavanaja da trahičnaj padziei ŭ lipieni 2000 hodu.
Jak paviedamlaje namieśnik staršyni AHP Ihar Šynkaryk, akcyja rychtujecca ŭ novym farmacie:
(Šynkaryk: ) «Raniej my vychodzili z partretami źnikłych palitykaŭ. A zaraz pravodzim akcyju «Salidarnaść u imia Svabody». My zaprašajem nia tolki rodnych źnikłych palitykaŭ, ale taksama ŭsich, čyje svajaki, paplečniki, kalehi źjaŭlajucca palityčnymi viaźniami. My vychodzim z partretami nia tolki źnikłych, ale j tych, kamu ŭžo vyniesienyja prysudy ci kaho jašče sudziać. U takim farmacie akcyja adbudziecca ŭpieršyniu».
Jašče adna viestka napiaredadni akcyi ŭ Miensku pryjšła ź Ńju-Jorku. Rada pa pravach čałavieka Arhanizacyi Ab»iadnanych Nacyjaŭ adnahałosna pryniała Mižnarodnuju kanvencyju dla abarony ŭsich asobaŭ ad hvałtoŭnych źniknieńniaŭ.
«Heta krok nasustrač praŭdzie j spraviadlivaści», -- ličyć siabra j kaleha Źmiciera Zavadzkaha Pavał Šaramiet. Jon kaža, što sioleta ŭ listapadzie Hieneralnaja Asambleja AAN razhledzić pytańnie ab vykanańni dakumenta mižnarodnaj supolnaściu. Pavodle Pavała Šaramietu, heta nadaje ŭpeŭnienaść:
(Šaramiet: ) «Vykanaŭcy hetaha złačynstva buduć znojdzienyja. Tyja ludzi, što addali złačynny zahad, ja ŭpeŭnieny, buduć pakaranyja. I jašče bolšuju adkaznaść musiać panieści tyja palityki, toj prezydent i tyja ludzi, jakija stvaryli ŭ krainie takuju atmasferu i ŭmovy, kab možna było skradać j zabivać ludziej. Trahičnaja historyja sa Źmicieram, taksama jak j złačynstvy suprać inšych palitykaŭ, -- heta musić stukać u našych sercach, pakul praŭda, spraviadlivaść j žyćcio pieramohuć».
Maci Źmiciera Zavadzkaha Volha Ryhoraŭna paviedamiła, što biełaruskaja Hramadzianskaja inicyjatyva «My pamiatajem» nakiravała ŭ hetyja dni asabistuju padziaku na adras bolš jak 260 zamiežnych arhanizacyjaŭ j hramadzianaŭ. Jany aktyŭna padtrymlivajuć vyšuk Źmiciera j inšych źnikłych, -- kaža Volha Zavadzkaja. Jana ž paviedamlaje j pra čarhovy list z Prakuratury Biełarusi:
(Zavadzkaja: ) «Jany pišuć, što sprava pierapynienaja. I nijakaha inšaha tłumačeńnia na pytańni: čamu i što było zroblena. Całkam adpiska».
(Karespandent: ) «Mnie ciažka zapytvać, ale ŭsio-taki: jakim budzie dla vas siońniašni dzień?»
(Zavadzkaja: ) «U ciažkich uspaminach. Jašče raz prakruciacca ŭ pamiaci žudasnyja dni j nočy. Strašna ŭśviedamlać, što prajšło šeść hadoŭ, ale nijakich vynikaŭ...»
-
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna
-
U Baranavičach ušanavali pamiać lotčykaŭ-hierojaŭ Andreja Ničyporčyka i Mikity Kukanienki
-
Na vybarach u Kaardynacyjnuju radu nie zmahli prahałasavać try pracenty
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna1
Kamientary