Supracoŭnik Biełdziaržfiłarmonii Dzianis Ivanoŭ amal tydzień u źniavoleńni ź nieviadomych pryčyn — blizkija prosiać ahałoski spravy
Artyst kamiernaha choru, kandytar Dzianis Ivanoŭ byŭ zatrymany 25 studzienia naŭprost na svaim pracoŭnym miescy ŭ Biełdziaržfiłarmonii.
Ludzi ŭ cyvilnym, što zatrymlivali Dzianisa, nie pradstavilisia i abiacali adpuścić jaho ŭviečary paśla dopytu. Ale viečaram taho ž dnia siabry znajšli jaho imia ŭ śpisach zatrymanych u IČU na Akreścina. Paśla hetaha lubaja suviaź ź im źnikła.
Paźniej blizkija daviedalisia, što Dzianisa źmiaścili ŭ kamieru na piać miescaŭ, u jakoj utrymlivałasia jašče 12 čałaviek. Pierad uvachodam tudy Dzianisa prymušali prajści pa bieł-čyrvona-biełym ściahu.
27 studzienia artysta sprabavali asudzić u sudzie Pieršamajskaha rajona, ale spravu adpravili na dapracoŭku. Niahledziačy na toje, što na nastupny dzień skončylisia troje sutak utrymańnia pad vartaj da suda, Dzianisa dadomu nie adpuścili. Pry hetym advakat maładoha čałavieka doŭha nie mahła vyśvietlić, dzie jaje padabaronny.
29 studzienia Dzianisa Ivanova sudzili ŭžo pavodle novaha pratakoła, jaki skłali napiaredadni. Pry hetym sprava znoŭ była adpraŭlenaja na dapracoŭku. Termin novaha zatrymańnia zakančvajecca 31 studzienia, i blizkija pieražyvajuć, što Dzianisa ŭsio ž pakinuć za kratami.
«Vosieńniu Dzianis užo adsiadzieŭ 15 sutak pa nadumanaj spravie, my nie chočam, kab heta paŭtaryłasia. My chočam dać jaho historyi ahałosku, kab pra jaje daviedałasia jak maha bolš ludziej», — prosiać blizkija Ivanova.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary