Siońnia, u dzień 75-hodździa Mitrapalita Tadevuša Kandrusieviča, 3 studzienia 2020 h., Papa Rymski Francišak pryniaŭ jaho adstaŭku. Kiraŭnictva archidyjacezijaj pakul što pierachodzić da Hienieralnaha vikaryja Pinskaj Rymska-katalickaj jeparchii, biskupa Kazimira Vielikasielca — jon pryznačany Apostalskim administrataram archidyjacezii.
Arcybiskup Tadevuš Kandrusievič sychodzić na piensiju. Sa studzienia 2020 h., u dzień, kali Mitrapalitu Minska-Mahiloŭskamu spoŭniłasia 75 hadoŭ, Francišak pryniaŭ jaho adstaŭku i pryznačyŭ Administratara archidyjacezii.
Benedykt XVI pryznačyŭ arcybiskupa Kandrusieviča Mitrapalitam Minska-Mahiloŭskim 21 vieraśnia 2007 h., pieravioŭšy jaho z archidyjacezii Maci Božaj u Maskvie. Z červienia 2015 h. ijerarch źjaŭlajecca Staršynioj Kanfierencyi Katalickich Biskupaŭ u Biełarusi. Jon staŭ pieršym ijerarcham Kaścioła ŭ Biełarusi paśla časoŭ kamunistyčnaha pieraśledu: 25 lipienia 1989 h. Jan Pavieł II pryznačyŭ Kandrusieviča Apostalskim Administrataram Minskaj dyjacezii dla katolikaŭ u Biełarusi. Biskupskaje paśviačeńnie, jakoje prajšło 20 kastryčnika 1989 h. u bazylicy sv. Piatra ŭ Rymie, uznačaliŭ sam Pantyfik.
Padčas svajho biskupskaha słužeńnia ŭ Biełarusi ijerarch zasnavaŭ Hrodzienskuju vyšejšuju duchoŭnuju sieminaryju, spryjaŭ viartańniu i adkryćciu kala 100 raniej začynienych kaściołaŭ, pryčyniŭsia da vydańnia liturhičnaj litaratury, raspačaŭšy takim čynam spravu adradžeńnia Kaścioła, praciahnutuju jaho nastupnikam kardynałam Kazimiram Śviontkam.
Tadevuša Kandrusieviča nie puścili ŭ Biełaruś 31 žniŭnia, kali jon viartaŭsia z Polščy. Łukašenka, kamientujučy hetuju situacyju, zajaviŭ, što mitrapalit «jeździŭ u Polšču i atrymlivaŭ kansultacyi, jak razburać krainu».
22 śniežnia ministr zamiežnych spraŭ Biełarusi Uładzimir Makiej zajaviŭ, što Łukašenka daručyŭ znajści vyrašeńnie situacyi. U toj ža dzień pasolstva Vatykana atrymała infarmacyju ab adsutnaści pieraškod dla viartańnia ŭ Biełaruś.
24 śniežnia jon viarnuŭsia ŭ Biełaruś.
-
Kiraŭnik studyi ZROBIM architects viarnuŭsia ŭ sacsietki paśla zatrymańnia
-
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
-
Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary