Akaŭnt Saładuchi ŭ instahramie taksama vydalili. Syn miarkuje, što «praz palityku»
Starejšy syn zorki biełaruskaj estrady Anton Saładucha paćvierdziŭ Tut.by, što vydaleńnie staronki jaho baćki ŭ Instagram adbyłosia nie pa jaho žadańni, a pa inicyjatyvie administracyi servisu: miarkujučy pa ŭsim, karystalniki adpravili skarhi na kantent, raźmieščany ŭ zapisie. Sam jon u tym, što adbyłosia, vinavacić palityku.
- Vydalili nam, vydalili ANT, vydalili siostram Hruździevym — usio praz palityku. Vy sami viedajecie, što adbyvajecca ŭ krainie i chto za kaho. Chtości za, chtości suprać ułady, u kožnaha svajo mierkavańnie, nichto nikomu ničym nie abaviazany. I tyja, chto, napeŭna, byŭ suprać ciapierašniaj ułady, vyrašyli voś tak adpomścić. Heta majo mierkavańnie, — zajaviŭ Anton Saładucha.
Sacsietki Saładuchi-starejšaha viali jaho syny Alaksandr i Anton — apošni raspavioŭ, što prablemy z Instagram-akaŭntam jaho baćki pačalisia kala miesiaca tamu, adnak staronku trojčy ŭdavałasia chutka adnavić. Pavodle jaho słoŭ, pakul ad techpadtrymki nijakaha adkazu atrymać nie ŭdałosia.
Raniej paviedamlałasia pra vydaleńnie akaŭnta Maryi Vasilevič.
Chakiery vydalili instahram Maryi Vasilevič z 38 tysiačami čytačoŭ. Jana stvaryła novy — na jaho padpisalisia tolki 500 čałaviek
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary