U Breście ŭdzielnika pratestu pakarali dvuma hadami «chatniaj chimii» za milicejskuju racyju
U Breście abviaścili prysud pa spravie ab kradziažy milicejskaj racyi. 34-hadovamu Dźmitryju Ščurko prysudzili 2 hady chatniaj «chimii». Incydent, za jaki sudzili Dźmitryja Ščurko, adbyŭsia 20 vieraśnia. Tady na rahu vulic Savieckaj i Hohala sabralisia ŭdzielniki akcyi pratestu. Da ich padjechaŭ mikraaŭtobus ź siłavikami i pačalisia zatrymańni, piša Tut.by.
Pa viersii abvinavačańnia, mužčyna skarystaŭsia tym, što milicyjanty zajmalisia inšymi ŭdzielnikami demanstracyi, i dastaŭ z padsumki broniekamizelki adnaho ź ich radyjostancyju. Racyju jon panios dadomu. Praź dzień jaho vyklikali ŭ adździaleńnie milicyi, dzie jon viarnuŭ abstalavańnie. Va UUS škodu acanili ŭ 890 rubloŭ.
Ščurko raniej da kryminalnaj adkaznaści nie pryciahvaŭsia, jon vychoŭvaje dvaich dziaciej: 8 i 2 hadoŭ.
Bieraściejec vinavatym siabie nie pryznaŭ. Sudu jon raspavioŭ, što 20 vieraśnia pryjechaŭ na Savieckuju prahulacca. Kala pomnika 1000-hodździa zaviazałasia bojka z AMAPam. Siłaviki padbiehli da Dźmitryja, skazali jamu «lažać» i pasprabavali skrucić. Praź dzień Dźmitryju patelefanavali z kryminalnaha vyšuku i paprasili pryjści. U rajadździele jon viarnuŭ racyju. Zatym jaho dapytali, zatrymali i adpravili ŭ IČU Leninskaha RAUS.
U sudzie mužčyna rastłumačyŭ, što kraści racyju jon nie źbiraŭsia. Jon uziaŭ jaje, kab vykarystoŭvać u jakaści dokazu złačynstvaŭ nieviadomych, jakija zatrymlivali mirnych demanstrantaŭ.
Prysud jašče nie ŭstupiŭ u zakonnuju siłu i moža być abskardžany.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni7
Kamientary