U svaju čarhu vice-premjer Kabiakoŭ na pasiadžeńni Saŭminu zajaviŭ: «Nam nie patrebny rost VUP, ad jakoha pavialičvajucca składskija zapasy».
Premjer‑ministr Biełarusi Siarhiej Sidorski zajaviŭ na pasiadžeńni Savieta ministraŭ, na jakim padvodziacca vyniki sacyjalna‑ekanamičnaha raźvićcia krainy za čatyry miesiacy 2009 hoda, što spad biełaruskaj ekanomiki skončyŭsia i čakajecca adnaŭleńnie tendencyi ekanamičnaha rostu.
Jon adznačyŭ, što vyniki raźvićcia ekanomiki Biełarusi za apošnija 4‑5 miesiacaŭ dajuć upeŭnienaść, što «padzieńnie zafiksavana i dalej budzie rost».
Jaki heta budzie rost — «budzie vyznačana ŭ vyniku abmierkavańnia ź ministrami».
Pavodle S.Sidorskaha, u 2008 h. vałavy ŭnutrany pradukt Biełarusi vyras na 10%, a pa vynikach 4‑ch miesiacaŭ 2009 hoda — tolki na 1,2% suprać 1,1% za I kvartał 2009 hoda.
Kiraŭnik uradu čakaje nievialiki pryrost VUP za studzień‑travień adnosna vynikaŭ čatyroch minułych miesiacaŭ.
«U karotkija, ścisłyja terminy my pavinny značna prybavić — takuju zadaču pastaviŭ prezident», — zajaviŭ S.Sidorski.
Jon zajaviŭ, što ciapier na zamiežnych rynkach skłalisia «ŭnikalnyja mahčymaści dla ekanomiki Biełarusi».
Ciapier hałoŭnaj prablemaj, pavodle S.Sidorskaha, źjaŭlajecca naroščvańnie ekspartu. Astatki hatovaj pradukcyi ŭ Biełarusi dasiahnuli amal 7 tryljonaŭ rubloŭ. U krasaviku jany pavialičylisia na 191 miljard.
«Nam treba pradavać bolš, čym my vyrablajem» — zajaviŭ S.Sidorski, paviedamlaje Radyjo Svaboda
«Nam nie patrebny rost VUP, ad jakoha pavialičvajucca składskija zapasy», — zajaviŭ vice‑premjer Andrej Kabiakoŭ.
Jak zaznačyŭ vice‑premjer, u krasaviku ŭ paraŭnańni ź pieršym kvartałam suadnosiny zapasaŭ hatovaj pradukcyi i siaredniamiesiačnaha abjomu vytvorčaści pramysłovych pradpryjemstvaŭ pavialičylisia na 1,4 pracentnaha punkta i skłali 93,2%.
Razam z tym, pavodle słoŭ Kabiakova, akreśliłasia stanoŭčaja tendencyja źmianšeńnia zapasaŭ na składach. «Kali za sakavik składskija zapasy ŭzraśli amal na 450 młrd. rubloŭ, to za krasavik usiaho na 191 młrd. Ale heta nie havoryć pra toje, što my raspradajom składy. Heta śviedčańnie taho, što my prosta stali mienš vyrablać niezapatrabavanaj pradukcyi», — zaznačyŭ vice‑premjer.
Niahledziačy na heta, padkreśliŭ Andrej Kabiakoŭ, «prablema razhruzki składoŭ pakul nie vyrašajecca». Najbolšyja ciažkaści sa składskimi zapasami ŭ Minprama, «Biellespapieraprama», «Biellehprama». «Nivodnym ź ministerstvaŭ nie zabiaśpiečvajecca zadańnie pa źnižeńni zapasaŭ hatovaj pradukcyi na składach», — zaznačyŭ vice‑premjer.
Kabiakoŭ źviarnuŭ uvahu na słabuju realizacyju norm ukaza prezidenta №49 ad 23 studzienia 2009 hoda. U adpaviednaści z hetym dakumientam usim arhanizacyjam dadziena prava ŭstanaŭlivać štomiesiačnaje ŭznaharodžańnie ŭ zaležnaści ad abjomaŭ prodažu, a taksama ŭmovy apłaty pracy ŭ zaležnaści ad pastupleńnia valutnaj vyručki.
«Heta adna z klučavych antykryzisnych mier, — zajaviŭ vice‑premjer. — Ale tolki niekatoryja arhanizacyi skarystalisia normami hetaha ŭkaza, a pavinna — usia Biełaruś».
«Ustanaŭleńnie piersanalnych umoŭ apłaty pracy za atrymańnie valutnaj vyručki naohuł nie atrymała šyrokaha raspaŭsiudžańnia», — zaznačyŭ Andrej Kabiakoŭ.
Pavodle jaho źviestak, tolki BMZ i škłozavod «Nioman» skarystali prava ŭstanaŭlivać piersanalnyja ŭmovy apłaty pracy.
Kabiakoŭ daručyŭ Ministerstvu pracy i sacyjalnaj abarony razam ź ministerstvami i kancernami ŭ tydniovy termin zabiaśpiečyć uklučeńnie norm prezidenckaha ŭkaza ŭ pałažeńni ab apłacie pracy kožnaj arhanizacyi. «Takim čynam my zmožam stymulavać razhruzku składoŭ», — ličyć vice‑premjer.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary