Čempijonka śvietu pa lohkaj atletycy Maryna Arzamasava ŭčora paviedamiła ŭ svaim Instagram, što pazbaviłasia pracy (u Respublikanskim centry alimpijskaj padrychtoŭki). Niahledziačy na toje što raniej jana adklikała svoj podpis pad listom spartoŭcaŭ da ŭładaŭ.
— Zaŭtra pačynaju novaje žyćcio. Žyćcio biez pracy, bieź finansavańnia i biez peŭnaj mety. Nie tak ja sabie ŭjaŭlała svaju ščaślivuju budučyniu, kali ščyra… Ale trapańnie niervaŭ i pastajannaje torhańnie za hetyja miesiacy ŭžo nadakučyli, — napisała Arzamasava.
Raniej Arzamasava adklikała podpis pad listom spartyŭnaj hramadskaści z patrabavańniami da ŭładaŭ.
«Ja stamiłasia niervavacca, bajacca i pieražyvać, — kazała jana. — Adbyvajucca niezrazumiełyja i składanyja pracesy. Ja chaču praciahvać žyć u hetaj krainie, zajmacca sportam albo pracavać u spartyŭnaj śfiery. […] Mnie prosta raspaviali pra maje dalejšyja pierśpiektyvy. Jany mnie, viadoma ž, nie spadabalisia. Heta całkam vysnova adusiul. Ja pracuju ŭ spartyŭnym kamitecie Uzbrojenych sił, tamu razumieła, što mianie mohuć «adpravić u boty». Pry hetym ja navat bolš, čym upeŭnienaja, što adklikańnie podpisu ŭžo nie dapamoža i ja pajdu pad sankcyi».
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary