U śpisach zatrymanych źjavilisia dekan z BDUIR i jaho namieśnica, žonka kiraŭnika maładziečanskaj milicyi. Zdajecca, heta prykoł studentaŭ
Abnoŭlena: u śpisach zatrymanych za Marš 15 listapada zhadvalisia dekan fakulteta infarmacyjnych technałohij BDUIR Leanid Šylin i namieśnica hetaha fakulteta Viktoryja Pryhara. Najchutčej, u śpisy zatrymanych ich žartam uklučyli studenty. Prynosim prabačeńni za mahčymuju niedakładnaść.
***
U śpisach zatrymanych paśla Marša 15 listapada akazałasia Viktoryja Mikałajeŭna Pryhara. Usie dadzienyja, u tym liku i data naradžeńnia, supadajuć z danymi namieśnicy dekana fakulteta infarmacyjnych technałohij BDUIR.
Ale ž samaje cikavaje tut nie heta. Viktoryja Mikałajeŭna — žonka Vadzima Pryhary, načalnika Maładziečanskaj milicyi. Raniej jon kiravaŭ apieratyŭna-dziažurnaj słužbaj Minskaj vobłaści.
«Ciapier ja z upeŭnienaściu mahu skazać, što heta hramadzianie, jakija nievypadkova apynulisia na płoščy», — kazaŭ Pryhara paśla masavych zatrymańniaŭ u žniŭni 2020 hoda.
Paśla vybaraŭ jon trapiŭ u sankcyjny śpis Łatvii.
Nijakich aficyjnych paćvierdžańniaŭ taho, što Viktoryju Pryharu sapraŭdy zatrymlivali, niama. Vałanciory viaduć śpisy palityčnych aryštantaŭ i vystaŭlajuć u telehram-kanał «Śpisy zatrymanych» infarmacyju pra ich dalejšy los: adpuścili, pryvieźli ŭ RUUS, adpravili na Akreścina ci ŭ Žodzina, ci byŭ sud. Pra Viktoryju Pryharu niama nijakaj infarmacyi, akramia paznaki pra zatrymańnie.
Sama Pryhara ŭ paniadziełak była na pracy. «Naša Niva» źviazałasia ź joju, Viktoryja Mikałajeŭna nie zachacieła davać kamientary.
«Źviazvajciesia z pres-słužbaj univiersiteta. Mahu skazać adno: ja zakonapasłuchmiany hramadzianin i patryjot», — paraiła Pryhara.
«Naša Niva» źviazałasia z pres-słužbaj BDUIR. Praź jaje Viktoryja Pryhara pieradała, što nijakich zatrymańniaŭ nie było.
Ciapier čytajuć
Łukašenka zajaviŭ pra hatoŭnaść pryjechać u Kijeŭ72
Kamientary