Novaja kniha: «Biełaruś u kancepcyjach polskich palityčnych farmavańniaŭ 1918—1922»
U knizie Kryściny Hamułki — polskija prajekty palityčnaha ŭparadkavańnia biełaruskich ziemlaŭ.
Kryścina Hamułka. Pamiž Polščaj i Rasijaj. Biełaruś u kancepcyjach polskich palityčnych farmiravańniaŭ (1918—1922) / K.Hamułka; pierakład z polskaj movy. — Vilnia: 2006. Nakład 800 as.
Časopis «Palityčnaja sfera» vydaŭ pa-biełarusku knižku polskaj daśledčycy Kryściny Hamułki «Pamiž Polščaj i Rasijaj. Biełaruś u kancepcyjach polskich palityčnych farmiravańniaŭ 1918—1922». Na 256 staronkach aŭtar razhladaje polskija prajekty palityčnaha ŭparadkavańnia biełaruskich ziemlaŭ dy sproby ich realizacyi ŭ supraćstajańni ź inšymi bakami. Asabliva cikava, što
knižka nie zamykajecca na vuzkich pytańniach, a pakazvaje vahu Biełarusi i biełaruskaha ruchu ŭ mižnarodnaj palitycy taho času.
Vyrašalnyja 1918—1922 hady pierabudavali ŭsiu Jeŭropu ad Chielsinkaŭ da Stambułu. Biełarusy choć i nie damahlisia nacyjanalnaha adzinstva i niezaležnaści, ale i nie byli pasiŭnymi ŭ hetaj pierabudovie, zmahajučysia za svaju krainu na ŭsich bakach u toj tatalnaj kałatniečy. Polšča, jak adzin z asnoŭnych hulcoŭ, viała zaciatuju baraćbu z savieckaj Maskvoj i Litvoj za biełaruskija abšary nia tolki na frantach, ale i budujučy svaje palityčnyja prajekty dla Biełarusi dy sprabujučy vykarystać biełaruski ruch.
Zachaplalnuju viersiju historyi vialikaj «bitvy za Biełaruś» raspaviadaje hetaja pieršaja publikacyja ź sieryi «Historyja palityčnych idejaŭ», zapačatkavanaj časopisam.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary